Matius 5:30 - Kaili Ledo

³⁰ Bo ane pale ngganamu manggeni iko movia dosa, tampasimo bo tedeakamo palemu haitu. Aginapa sangu sipa nu karomu malipo pade njumangu karomu ranavusaka riara narakaa.”

Matius 5:30 ပူးပေါင်းရင်းမြစ်များ

Matius 11:6

Nabelo mpuu tona ledo noura nomparasaya Yaku.”

Matius 13:21

Tapi ledo naroso pomparasayara, nasimbayu eva tuda-tuda ledo naroso pokalena. Tempo ira nipandasa bo nipakasusa sabana nomparasaya Tesa haitu, kaliu-liu nouramo pomparasayara.

Matius 16:23

Tapi i Yesus neili bo nanguli ka ia, “Palaimo lako ri sii, Magau Seta! Iko, Petrus, aga nombabonto Yaku ala ledo Kuoseaka dota nTuamaKu! Pekirimu tutu pekiri nu manusia, ledo pekiri lako nte Alatala!”

Matius 17:27

Tapi nau ivesia, nee kita mompakakodi rara ntona haitu. Agina komiu hau momeka ri rano. Alamo bau pamulana ramekamiu. Riara ngangana mukava sampeka doi anu magana rapombayari balasiteeta randua. Kenimo doi haitu bo bayarimo balasiteeta ka Banua nu Alatala.”

Matius 18:8

Ane rapana palemiu atau kadamiu manggeni komiu movia dosa, agina pale atau kadamiu haitu ratampasi bo ratedeaka. Aginapa komiu mapudu pale atau mapudu kada asaa komiu matuvu mabelo nte Alatala ri suruga. Aginapa ivehaitu pade maria robingga pale bo robingga kada tapi kaupuna aga ratedaka riara apu anu navaya sampe ri kasae-saena.

Matius 22:13

Bo nanguli magau ka batuana, ‘Soomo palena bo kadana bo tedeakamo ia hau ri savalikuna ri ponturo nalanda. Hamai ia motumangi bo masinggiki ante kasusa.’ ”

Matius 25:20

Nakavamo batua niparasayaka lima-njobu mpeka doi bulava haitu nanggeni doi bo anana lima-njobu mpekapa anu nikavana. Bo niulina, ‘Pua, komiu nomparasaya ka yaku lima-njobu mpeka doi bulava bara ipia. Peintamo! Nipagoliku doi haitu sampe nanggava anana lima-njobu mpeka muni.’

Matius 26:31

Bo i Yesus nanguli ka ana-anaguruNa, “Bongi hitu komiu pura-pura moleju pomparasayamiu bo rapalaisimiu Yaku, sabana nitulisi riara Buku Gasa ivei: ‘Kupatesi topoevu bo bimba-bimbana masimpotare.’ Zakharia 13:7

Matius 5:22

Tapi Kuuli ka komiu, isema-sema narau rarana nte sampesuvuna masipato ratangara. Bo isema-sema nanjalai sampesuvuna masipato raposintingayo ri Polibu Mbaso Agama. Tapi isema-sema manguli ka sampesuvuna, ‘Kanavumo ri narakaa iko!’ ia haitumo masipato ratedaka riara apu narakaa.

Matius 5:29

Ane mata ngganamu manggeni iko movia dosa, suimo bo tedakamo matamu haitu. Aginapa sangu sipa nu karomu malipo pade njumangu karomu ranavusaka riara narakaa.

Markus 9:43

Ane rapana palemiu manggeni komiu movia dosa, tampasimo palemiu haitu! Aginapa komiu matuvu nte Alatala ri suruga ante palemiu sabingga, pade komiu ratedaka ante pale robingga hau ri narakaa, riara apu anu ledo mapaya-paya.

Lukas 12:5

Kuuli ka komiu isema masipato rapokaekamiu! Aginamo komiu maeka nte Alatala, sabana Ia nakuasa mompatesi karomiu bo mombanavusaka komiu riara narakaa! Pariaramo tesaKu hitu! Aga Alatala masipato rapokaekamiu!

Lukas 17:2

Agina rapantoesi vatu mbaso ri tambolona bo ratedaka hau rantasi. Mabelopa haitu pade rapakanavuna roa ledo naroso pomparasayana sampe movia dosa.

Roma 9:33

Haitu niboto riara Buku Gasa ivei: <> Yesaya 28:16

1 Korintus 8:13

Jadi, sampesuvu-sampesuvu, ane kandea anu nikandeku mompakagero pomparasaya nu sampesuvuku, domo kukande kandea haitu ala nee yaku mompakagero pomparasayana.

Galatia 5:11

Sampesuvu-sampesuvu, niuli ntona yaku mboto da nompatuduki tona kana rasuna ane madota majadi manoa ri panggita nu Alatala. Tapi ledo ntoto nakana! Ane rapana da nipatudukiku ivesia ka tona, nakuya bo da nipandasa ntoYahudi yaku? Ane rapana da nipatudukiku ivesia, natantu pepatudukiku ledo mompakadua rara ntoYahudi! Nadua rarara nangepe kamate i Kristus ri kayu salib.

1 Petrus 2:8

Bo naria tesa ntanina ri Buku Gasa ivei: “Vatu haitu nompakatepasunu tona. Vatu haitu nompakadungga ira.” Yesaya 8:14-15 Ira natepasunu sabana ira ledo nadota nangoseaka Tesa nu Alatala, bo haitumo bagiara nipakatantu nu Alatala ka ira.