Matius 5:24 - Kaili Ledo

²⁴ boli ntanimo ruru pesombamiu haitu ri ngayo lanta pesomba, bo koimo mosinggabelo ante sampesuvumiu. Maupu haitu pade manjili komiu mombadekei pesombamiu ka Alatala.

Matius 5:24 ပူးပေါင်းရင်းမြစ်များ

Matius 23:23

Mandasa mpuu komiu guru-guru agama bo toFarisi! Komiu aga nabelo ri lenje tapi nadaa riara! Komiu nombadekei ka Alatala sabagia lako ri sapulu bagia pura-pura aselemiu, nau sampe rampa-rampa. Tapi parenta Atura-atura agama anu nambaso, evamo pokainggu nanoa, mompoasi roa, bo mompakadupa pojanji, haitu ledo nipoviamiu. Kakanana parenta mbasona haitu anu nopoko raoseakamiu, nee muni rakalingasi atura-atura ntanina.

Matius 5:23

Sabana haitu, ane rapana komiu hau ri lanta pesomba manggeni pesombamiu ka Alatala, bo ratoramiu naria sampesuvumiu nadua rarana nte komiu,

Markus 9:50

Gara nabelo mami, tapi ane gara mamolimo, berimba mapaga mpanjili? Ivesia muni komiu, topangoseaka Yaku. Komiu kana masimbayu mpo gara bo nee rapalamba pomparasayamiu malente. Komiu kana matuvu mosinggabelo nte roa ntanina.>>

1 Korintus 11:28

Jadi pura-pura tona kana raparesana ntani ruru rara ntaina mboto. Bo maupu haitu pade mamala ia mangande roti bo manginu uve anggur haitu.

1 Timotius 2:8

Dotaku ala ri umba-umba topomparasaya nasiromu mombasomba Alatala, langgai mosambaya ante rara nagasa. Ledo masipato mosambaya ane narau rara atau nosinjanai.

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.