Matius 5:20 - Kaili Ledo

²⁰ Pariaramo tesaKu hitu! Komiu kana matutupa nangoseaka dota nTupu pade guru-guru agama bo toFarisi. Ane ledo, komiu ledo ntoto mamala majadi todea riara Poparenta nu Alatala.”

Matius 5:20 ပူးပေါင်းရင်းမြစ်များ

Matius 16:12

Lako rahaitu pade nanoto rarara i Yesus ledo nompopainga ira ka ragi nu roti tapi nipopaingaNa ka pepatuduki ntoFarisi bo toSaduki.

Matius 18:5

Bo isema-sema nantarima saito ngana kodi eva hitu sabana pomparasayana Yaku, nitarimana muni Yaku.

Matius 3:10

Pehuku nu Alatala nasimbayu eva baliu, nasadiamo rapotovo kayu sampe ri kalena ane ledo naria vuana nabelo. Kayu ledo nabelo vuana ratovosi bo ratedaka ri mata nu apu.

Matius 7:21

Ledo pura-pura tona nanguli Yaku Tupura majadi todea riara Poparenta nu Alatala. Aga tona anu novia dota nu Alatala, TuamaKu ri suruga, masipato mesua riarana.

Markus 10:15

Pariaramo tesaKu hitu! Isema-sema ledo natundu nte Alatala nasimbayu mpo ngana kodi natundu nte totuana, ia ledo mamala majadi todea riara Poparenta nu Alatala.>>

Markus 10:25

Namurapa unta mesua ri puki jaru pade tona nakalumana matundu nte Alatala bo majadi todeaNa.>>

Lukas 11:44

Mandasa mpuu komiu! Komiu nasimbayu mpo dayo ledo naria tandana. Tona nojeje dayo haitu tapi ledo nisanira naria anu naruto riarana. Komiu nabelo ri savalikuna tapi rara ntaimiu nadaa.”

Lukas 12:1

Nonjobu-njobu tona nasiromu ri sia mompeinta i Yesus, sampe nosimpii nosijeje-jeje kada. I Yesus nangulika anaguruNa, “Pakabelo! Komiu kana mainga nte ragi ntoFarisi. Batuana, nee sampe komiu mompasiala pokainggura aga nabelo ri lenje tapi rarara nadaa!

Lukas 18:17

Pariaramo tesaKu hitu! Isema-sema ledo natundu nte Alatala nasimbayu mpo ngana kodi natundu nte totuana, ia ledo mamala majadi todea nu Alatala.”

2 Korintus 3:9

Atura-atura nokolu nompakalanto manusia kana rahuku. Jadi nau damo naoge Atura-atura haitu, kana naogepa pojanji nabaru anu nompakanoa kita ri panggita nu Alatala.

2 Korintus 5:17

Ane tona nosangu rara ante i Kristus, ia najadi manusia nabaru. Katuvuna nggaulu naliumo bo katuvuna nabaru mpuu-mpuu nariamo.

Filipi 3:9

bo mpuu-mpuu mosangu rara ante Ia! Alatala nombareke yaku nanoa ri panggitaNa, ledo sabana pangoseakaku Atura-atura agama, tapi sabana pomparasayaku i Kristus. Yaku najadi nanoa ri panggita nu Alatala ledo lako ri pokaingguku, tapi lako nte Alatala mboto. Bo Alatala nompakanoa yaku lako ri pomparasayaku.

Ibrani 12:14

Komiu kana mompasimbuku matuvu mosinggabelo ante pura-pura tona. Bo pasimbuku muni matuvu magasa, sabana tona ledo nagasa katuvuna ledo ntoto mamala manggita i Pue.

Pompakita 21:27

Tapi anu naruto bo tona novia nadaa bo topodava ledo ntoto mamala mesua riara ngata haitu. Tona mamala mesua hamai aga tona nitulisi sangana riara Buku Katuvua nu Ana Bimba.