Matius 5:17 - Kaili Ledo

¹⁷ “Nee rapekirimiu Yaku hii nakava mompakaropu Atura-atura agama nitulisi i Musa bo pepatuduki nu nabi-nabi. Yaku ledo nakava mompakaropuna tapi ala mompopakita kadupana.

Matius 5:17 ပူးပေါင်းရင်းမြစ်များ

Matius 3:15

Tapi nangulimo i Yesus ka ia, “Diumo Yaku, sabana ivesiamo kita mompakadupa pura-pura anu nipodota nu Alatala.” Nangepe pesanaNa haitu, nadota mpuumo i Yohanes nombadiu i Yesus.

Matius 7:12

“Jadi nuapa-nuapa rapodotamiu rapovia ntona ka komiu, ivesia muni rapoviamiu ka tona. Sabana parenta haitumo isi nu Atura agama bo pepatuduki nu nabi-nabi nggaulu.

Lukas 16:17

Atura-atura agama nidekei Nabi Musa ledo molese. Namurapa langi bo tana maopo, pade sangu hurupu lako ri Atura-atura haitu molese. Haitu bate-batena maria.”

Yohanes 8:5

Riara Atura-atura agama, naria parenta i Musa nanguli, ane mombine nokainggu ivesia kana rarempe ante vatu sampe mamate. Jadi berimba panggavaMiu pokainggu nu mombine hitu?”

Suro-Suro 18:13

Nipangadura ia ivei: “Tona hitu nanggeni todea metupu nte Alatala ante pepatuduki nosisala ante Atura-atura nidekei Nabi Musa ka kami!”

Suro-Suro 21:28

bo nongare-ngare, “ToYahudi! Tulungimo kami! Hitumo tona hau ri umba-umba nompatuduki todea mangeva kita toYahudi. Nipatudukina tona mombabaliki Atura-atura agama anu nipapola Nabi Musa, bo nisalaina Banua nu Alatala hitu! Sii-sii nikenina tona ledo toYahudi nesua riara Banua nu Alatala nompakaruto ponturo nagasa hitu!”

Suro-Suro 6:13

Nikenira muni sabi-sabi mpodava ri ngayo ntoPolibu haitu mombatesa i Stefanus anu ledo nakana-kanaka. Sabi-sabi haitu nanguli, “I Stefanus nasaro nanjalai Banua nu Alatala anu nagasa, bo nasaro muni nisalaina Atura-atura nu Alatala anu nipapola Nabi Musa ka kita.

Roma 10:4

Tapi Atura-atura agama domo niparaluu, sabana nariamo i Kristus. Jadi isema-sema nomparasaya i Kristus, majadi nanoa ri panggita nu Alatala

Roma 3:31

Jadi, kita nireke nanoa sabana pomparasayata i Yesus. Tapi nee rapekirimiu Atura agama ledo noguna. Ledo ntoto nakana! Kakanana, lako ri pomparasayata haitu kita nompakaoge Atura agama.

Roma 8:4

Alatala novia haitu ala kita mpuu-mpuu mompakule mokainggu manoa, mangoseaka parenta ri Atura agama. Apa kita domo natuvu nangoseaka dota rarata anu nadaa. Sii-sii kita nangoseaka dota Nosa Gasa nu Alatala.