Matius 4:8 - Kaili Ledo

⁸ Naupu haitu, Magau nu Seta nanggeni i Yesus hau ri tutu nu bulu nelabi kalangana. Bo nipopakitana ka Ia pura-pura kamagaua bo poparenta naria riara dunia hitu ante mpengaya-ngaya kagayana bo kakalumanana.

Matius 4:8 ပူးပေါင်းရင်းမြစ်များ

Matius 16:26

Nuapa gunana rakavamiu pura-pura anu naria ri dunia tapi ledo manggava katuvua nabelo sampe ri kasae-saena? Ledo ria nuapa-nuapa namala rasulamiu ka katuvua nabelo haitu.

Matius 4:5

Naupu haitu i Yesus nikeni nu Magau Setamo hau ri ngata Yerusalem, ngata nagasa, bo nituuna ri vumbu Banua nu Alatala.

Yohanes 5:20

Sabana, TuamaKu nompotove Yaku, AnaNa, bo nipopakitaNa ka Yaku pura-pura anu nipoviaNa. Bo rapopakitaNa tanda-tanda nelabipa kabarakana pade anu nipoviaKu pangane ala rapokumaakamiu.

1 Petrus 1:24

Riara Buku Gasa nitulisi ivei: “Katuvu manusia pura-pura nasimbayu mpo kavoko, bo pura-pura kuasa bo kagayana mpo sese nggavoko. Kavoko haitu nalele bo sesena naronto.

Pompakita 11:15

Naupu haitu malaeka kapapituna nompopomoni tabuena. Bo kaliu-liu nariamo suara-suara ri suruga nongare ante namangga mpuu ivei: “Sii-sii pura-pura poparenta ri dunia hitu najadi poparenta nTuputa bo poparenta nu Magau Topepakasalama anu nijanji nu Alatala. Ia momparenta sampe ri kasae-saena!”