Matius 4:24 - Kaili Ledo

²⁴ Kareba povia i Yesus haitu natolele ri umba-umba bagia Siria, sampe tona nanggeni ka Ia pura-pura roara nambela dua mpengaya, tona nipesua nu seta, torompate bo tona nakoyo. Bo i Yesus nompakabelo ira pura-pura bo nipopalaiNa puramo seta.

Matius 4:24 ပူးပေါင်းရင်းမြစ်များ

Matius 12:22

Naupu haitu naria saito tona nikeni hau nte i Yesus. Tona haitu naburo bo nabobo sabana ia nipesua nu seta. I Yesus nompopalai seta lako ri tona haitu sampe ia namalamo notesa bo nekita.

Matius 14:1

Tempo haitu topoparenta ri bagia Galilea, Magau Herodes Antipas. Niepena kareba i Yesus

Matius 15:22

Naria saito mombine toKanaan, tona ledo toYahudi, nonturo ri bagia haitu. Ia nakava nte i Yesus bo nongare-ngare ivei: “Pue, Muli Magau Daud! Poasimo yaku hii! Anaku mombine nipesua seta sampe nandasa mpuumo ia!”

Matius 17:15

“Pue, poasimo anaku! Ia natorompate, nandasa mpuu ia. Ia nasaro nadungga ri apu atau ri uve.

Matius 17:18

Bo i Yesus nompopalai seta anu nompakadua ngana haitu, bo nalai mpuumo seta haitu. Bo kaliu-liu nabelomo ngana.

Matius 4:23

I Yesus hau nompebutu ngata ri bagia Galilea. Ri ngata-ngata haitu Ia nompatuduki tona ri banua-banua petupu ntoYahudi bo nipatoleleNa Kareba Belo, anu notesaki Poparenta nu Alatala. Bo nipakabeloNa tona nadua mpengaya-ngaya.

Matius 8:28

Naupu haitu nakavamo ira ri sambote rano ri bagia ntoGadara. Nakavapa ira hamai, nesuvumo randua tona lako ri podayo mosintomu ante i Yesus. Ira randua haitu nipesua seta-seta sampe nagila mpuu ira bo ledo ria tona nabia noliu ri sia.

Matius 8:33

Sampanggita kajadia haitu, nangova nalaimo topojaga bavu hau riara ngata. Bo nitesara pura anu najadi nte bavura bo nte tona randua anu nipesua nu seta pangane.

Matius 8:6

“Tua, batuaku nadua ntamo ria ri banuaku. Ia aga naturu ria, ledo nipakulena nembangu, bo nandasa mpuu nirasaina.”

Matius 9:26

Naupu haitu, kajadia haitu natolele sampe ri pura-pura ngata ri njumangu bagia haitu.

Matius 9:35

I Yesus hau nompesayoki ngata dea. Ia nompatuduki ri banua-banua petupu bo nompatolele kareba Poparenta nu Alatala. Bo nipakabeloNa tona nadua mpengaya-ngaya.

Markus 1:28

Naliu haitu, natolelemo nasalisa kareba i Yesus ri njumangu bagia Galilea.

Markus 1:32

Nasolopa eo, nakavamo tona dea nanggeni roa-roara nadua bo tona nipesua seta.

Markus 2:3

Tempo haitu nakavamo ampa tona nombakova roara napunggu.

Markus 2:4

Ledo namala ira nanggaparai i Yesus sabana tona ri sia nadea nosimpii gaga. Jadi hau ira nompene ri bavo ata banua haitu, bo nitonggara ata ri toto i Yesus. Naliu haitu, niuluramo topunggu nte ompana.

Markus 2:9

Ledo nakaja manguli ka topunggu, . Nakajapa manguli !

Lukas 2:2

Sensus pamulana haitu nipovia tempona i Kirenius najadi gubernur ri propinsi Siria.

Lukas 4:14

Naupu sia i Yesus nikuasai Nosa Gasa bo notinggulimo Ia hau ri bagia Galilea. Tona ri umba-umba ngata hamai notesaki anu nipovia i Yesus.

Lukas 4:38

Nesuvumo i Yesus nompalaisi banua petupu haitu, hau ri banua i Simon. Matua i Simon mombine nakokora ntamo bo tona hamai nerapi ala i Yesus mantulungi ia.

Lukas 5:15

Tapi kareba povia i Yesus natolele ri umba-umba sampe nadea mpuu tona neonga mangepe tesaNa bo nekipakabelo.

Lukas 5:24

Tapi Kupopakita ka komiu Yaku, Ana nu Manusia, nakuasa mombaampungi dosa manusia ri dunia.” Pade nituduNa topunggu haitu, “Peanggamo, alamo ompa paturumu bo potinggulimo!”

Lukas 7:17

Kareba haitu natolelemo ri njumangu bagia Yudea, bo muni ri ngata-ngata napara Yudea.

Yohanes 10:21

Tapi naria muni sanu tona nanguli, “Ledo! Ane tona nipesua nu seta, ledo ivesia tesana! Natantumo seta ledo mamala mompakabelo tona naburo!”

Suro-Suro 10:38

Nisanimiu muni Alatala nompelisi i Yesus toNazaret bo nidekeiNa Nosa Gasa bo kuasa. Nisanimiu muni i Yesus hau ri umba-umba novia anu nabelo, bo nipakabeloNa pura-pura tona nipandasa Magau nu Seta sabana Alatala naria nte Ia.

Suro-Suro 15:23

Jadi nitulisira santau sura rakeni ntona randua pangane. Sura haitu nanguli ivei: “Sampesuvu-sampesuvu sampomparasaya anu ledo toYahudi, anu nonturo ri ngata Antiokhia bo ri propinsi Siria bo Kilikia: Nadea tabe lako nte kami, suro-suro bo pakeni-pakeni ntodea topomparasaya.

Suro-Suro 15:41

Ira nombalintiku pura-pura propinsi Siria bo Kilikia. Nipakarosora pomparasaya ntopangoseaka i Yesus hamai.

Suro-Suro 28:9

Nangepepa kajadia haitu, pura-pura tona nadua ri levuto haitu nakava nte i Paulus, bo nipakabelona muni ira.

Suro-Suro 8:7

Apa nadea seta nipopalaina lako nte tona. Seta-seta haitu nesuvu bo nongare-ngare. Nadea muni tona nakoyo, tona nakejo, bo tona napunggu nipakabelona.