Matius 28:8 - Kaili Ledo

⁸ Jadi nalaimo ira nasalisa lako ri dayo. Naeka ira tapi nadamba muni rarara. Nangovamo ira hau manguli anu najadi ka ana-anaguru i Yesus.

Matius 28:8 ပူးပေါင်းရင်းမြစ်များ

Matius 28:7

Bo koimo masalisa ulika ana-anaguruNa natuvu mpanjilimo Ia. Ia mokolu ka komiu hau ri bagia Galilea. Hamai rakitamiu Ia. Toramo anu nitesaku ka komiu!”

Matius 28:9

Sampesani nariamo i Yesus nosintomuka ira bo nanguli, “Tabe.” Ira nanggaparai Ia bo nanggapui kadaNa mombasomba Ia.

Markus 16:8

Jadi nesuvumo ira lako ri dayo bo nangova nalai, sabana natekaja bo naeka mpuumo rarara. Ira ledo notesa nuapa-nuapa ka isema-sema sabana naeka. [Mombine gahaitu hau nte i Petrus bo roa-roana, bo kaliu-liu nitesara pura-pura anu niuli nu kabilasa haitu ka ira. Naupu sia i Yesus nantudu anaguruNa hau ri umba-umba ri dunia lako ri mpanauna sampe ri mpandakena mompatolele Kareba lako nte Alatala anu notesaki katuvua nabelo sampe ri kasae-saena. Kareba haitu nagasa bo ledo nabali-bali sampe ri kasae-saena.]

Yohanes 16:20

Pariaramo tesaKu hitu, komiu motumangi-mangi mpojea manggita anu majadi nte Yaku, tapi baliKu ri dunia hitu madamba-damba. Raramiu masusa tapi kasusa raramiu mabali majadi madamba.

Yohanes 16:22

Ivesia muni ante komiu. Sii-sii nasusamo raramiu. Tapi Yaku mosinggava vai nte komiu bo tempo haitu komiu madamba mpanjili. Bo ledo maria saitoa tona mamala mompakalipo kadamba nu raramiu haitu.