Matius 27:52 - Kaili Ledo

⁵² Nadea dayo natebuka bo nadea tona nanoa anu namatemo natuvu mpanjili

Matius 27:52 ပူးပေါင်းရင်းမြစ်များ

Yohanes 11:11

Ivesiamo tesa i Yesus ka anaguruNa. Naupu haitu, nipapolaNa tesaNa ka ira. NiuliNa, “Vegata i Lazarus namonjomo. Tapi hau Kulike ia.”

Suro-Suro 7:60

Bo nantaputu ia bo nongare ante suara namangga, “Pue, ampungimo dosara hitu!” Naupu haitu, namatemo ia.

1 Korintus 11:30

Haitu sampe nadeamo komiu ri situ nalente bo nadua, bo bara sako-nduamo komiu namate.

1 Korintus 15:20

Tapi i Kristus mpuu-mpuu nipakatuvu mpanjili. Bo katuvuNa mpanjili haitu najadi panggingisi nompakatantu pura-pura topangoseaka Ia anu namatemo, rapakatuvu mpanjili muni.

1 Korintus 15:51

Pariaramo! Kupopaisani ka komiu anu nitabuniaka nu Alatala lako ri lamba pamulana! Ledo pura-pura kita mamate, tapi kita pura-pura kana rabaliki nau kita da natuvu atau namatemo.

1 Tesalonika 4:14

Niparasayata i Yesus namate bo natuvu mpanjili. Haitumo sabana niparasayata muni pura-pura tona nomparasaya i Yesus bo namatemo rapakatuvu nu Alatala mpanjili, bo Alatala mompoposanggani ira nte i Yesus.

1 Tesalonika 5:10

Ia namate nombatolosi kita ala tempo Ia makava mpanjili, nau kita da natuvu atau namatemo, kita matuvu mosanggani-nggani ante Ia.