Matius 27:31 - Kaili Ledo

³¹ Naupupa nipongei-ngeikara ivesia, nivonjuramo baju magau haitu bo nipopasuakara mpanjilimo pakeaNa mboto. Naliu haitu nikenira hau ri savaliku ngata rapaku ri kayu salib.

Matius 27:31 ပူးပေါင်းရင်းမြစ်များ

Matius 20:19

Maupu haitu Yaku radekeira ka tona ledo toYahudi. Bo Yaku rapongei-ngeikara bo racambu pakandasa, bo kaupuna Yaku rapaku ri kayu salib sampe mamate. Tapi ri eo katataluna Yaku rapakatuvu mpanjili.”

Matius 21:39

Jadi nisakaramo ana ntupu ntalua haitu bo nikenira hau ri savaliku ntalua bo nipatesira.”

Matius 26:2

“Nisanimiumo roeopa Eo Mbaso Paskahmo. Bo Yaku, Ana nu Manusia, radekei ka baliKu bo rapakura ri kayu salib.”

Markus 15:20

Naupupa nipongei-ngeikara ivesia, nivonjuramo baju nakamao haitu bo nipopasuakara mpanjili pakeaNa mboto. Pade nikenira hau ri savaliku ngata rapaku ri kayu salib.

Yohanes 19:16

Kaupuna nidagi i Pilatus, bo nidekeina i Yesus ka ira ala Ia rapatesi ri kayu salib. Nialaramo i Yesus bo nikeni ntantara-tantara hau ri savalikuna.

Yohanes 19:27

Bo niuliNa munimo ka anaguruNa haitu, “Reke tinamumo ia.” Jadi nompamula lako ri eo haitu, anaguru pangane nantarima tina i Yesus monturo ri banuana.

Suro-Suro 7:58

Nidiisakara hau ri savaliku ngata, bo nirempera vatu. Sabi-sabi mpodava ri Polibu Mbaso pangane, nombavonju bajura bo nibolira nte tona nosanga i Saulus, ala mabelo ira mombarempe i Stefanus.

Ibrani 13:12

Ivesia muni najadi ante i Yesus. Ia nikeni ri savaliku bobaa ngata Yerusalem bo nipatesi. Ia namate ala raaNa majadi pesomba posompo dosa anu nompakalali dosa ntodeaNa.