Matius 26:69 - Kaili Ledo

⁶⁹ Tempo haitu i Petrus da nonturo ri savalikuna ri doyata banua haitu. Saito batua mombine anu nokarajaa ri banua Pakeni nTopanggeni Pesomba nanggaparai ia bo nanguli, “Iko muni roa i Yesus toGalilea haitu!”

Matius 26:69 ပူးပေါင်းရင်းမြစ်များ

Matius 21:11

Nesana todea nantuntuni Ia, “Iamo i Yesus, nabi lako ri ngata Nazaret ri bagia Galilea!”

Matius 26:3

Tempo haitu balengga-balengga ntopanggeni pesomba bo totua-totua ntoYahudi nasiromu ri banua nu Pakeni nTopanggeni Pesomba anu nosanga i Kayafas.

Matius 26:58

I Petrus netuntuni nggavao lako ri puri, sampe nakava ri doyata nu banua Pakeni nTopanggeni Pesomba. Nakava hamai, nesuamo ia rara doyata bo nonturo nosanggani-nggani ante topojaga-topojaga ala rasanina nuapa majadi ante i Yesus.

Matius 26:70

Tapi i Petrus nesapu ri ngayora pura-pura, “Ledo nakana! Ledo nisaniku nuapa niulimu!”

Matius 26:71

Naupu haitu i Petrus hau ri bobaa nu doyata. Ri sia saito batua mombine ntanina nanggita ia bo nanguli ka tona hamai, “Tona hitu muni nosanggani-nggani ante i Yesus, toNazaret haitu.”

Yohanes 1:46

Tapi nesanamo i Natanael, “Ah! Ledo nisarumakaku anu nabelo meumba lako ri ngata Nazaret!” Nanguli Filipus ka ia, “Kaimo. Peinta mbotomo!” Bo hau mpuumo i Natanael.

Yohanes 7:41

Bo naria muni sanu ira nanguli, “Ia hitumo Magau Topepakasalama anu nijanji nu Alatala!” Tapi naria muni sanu tona nanguli, “Ledo! Magau Topepakasalama ledo makava lako ri bagia Galilea!

Yohanes 7:52

Nesana roa-roana toFarisi, “Nakuya nisalikukamiu Ia? Komiu muni toGalilea? Paresamo Buku Gasa pakabelo-belo! Rakitamiu ledo ria saitoa nabi meumba lako ri bagia Galilea!”

Suro-Suro 5:37

Naupu haitu, tempo nitulisi pura-pura sanga ntona riara buku sensus, neumba munimo i Yudas, tona lako ri bagia Galilea. Ia muni nompadidi todea nangoseaka ia. Tapi ia muni nipatesi bo pura-pura topangoseaka ia muni nagaro.