Matius 26:64 - Kaili Ledo

⁶⁴ Nesana i Yesus, “Nakana niulimiu tu. Pariaramo! Kana makava tempona bara maipia rakitamiu Yaku, Ana nu Manusia, monturo ri sabingga nggana nu Alatala toNeliu KakuasaNa, bo rakitamiu Yaku manau lako ri suruga riara kulimu.”

Matius 26:64 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 16:28

Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”

Matius 22:44

Tupu nanguli ka Pueku, ‘Kaimo, ponturomo ri sabingga ngganaKu sampe pura-pura baliMu Kupopekou nte Iko.’ Mazmur 110:1

Matius 24:30

Ri tempo haitu meumba tanda ri langi mompakalanto kakavaKu, Ana nu Manusia. Bo pura-pura manusia ri dunia motumangi ante eka nu rara, ane rakitara Yaku, Ana nu Manusia, manau riara kulimu ante kuasaKu bo kaogeKu nipokumaaka.

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Matius 26:25

Naupu haitu nanguli i Yudas, anu mompobalu i Yesus ngena, “Guru, tantu ledo yaku niuliMiu.” Nesana i Yesus, “Tesamu mboto tu!”

Matius 27:11

Tempo i Yesus nantingayo Gubernur Pilatus nekutana Gubernur nte Ia, “Mpuu-mpuu Iko Magau ntoYahudi?” Nesana i Yesus, “Nakana niulimiu.”

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Markus 14:62

Nesanamo i Yesus, <>

Lukas 21:27

Maupu haitu, rakitaramo Yaku, Ana nu Manusia, manau riara kulimu. Bo rakitaramo kuasaKu bo kaogeKu nipokumaaka.

Lukas 22:69

Aga hitu Kuuli ka komiu: nompamula sii-sii Yaku, Ana nu Manusia monturo ri sabingga nggana nu Alatala anu Neliu KakuasaNa.”

Lukas 22:70

Pade nekutana vai ira pura-pura, “Jadi, Ikomo hii tano Ana nu Alatala?” Nesana i Yesus, “Nakana niulimiu, Yakumo hii Ana nu Alatala.”

Yohanes 18:37

Bo nekutana vaimo i Pilatus, “Ane ivesia tano, magau mpuu Iko?” Nesanamo i Yesus, “Nakana niulimiu tutu tu, Yaku hii magau. Yaku tumai nipoanaka ri dunia ante patuju mompopaisani anu nakana. Isema-sema nompotove anu nakana, rapariarana tesaKu.”

Suro-Suro 1:11

Nanguli malaeka haitu, “Heh, toGalilea! Nakuya komiu aga neangga ri sii, nantingoa langi? I Yesus anu nikitamiu pangane neore rou ri surugamo. Ivesia muni Ia manjili lako ri suruga tumai ri dunia, nasimbayu mpo nikitamiu pangane.”

Roma 14:10

Jadi, nee rapakasala roa-roamiu sampomparasaya. Bo nee raparitambemiu ira. Apa kita pura-pura kana mantingayo Alatala bara maipia bo Ia mombatangara kita pura-pura.

1 Tesalonika 4:16

Tempo Alatala mombadekei parenta, tadulako malaeka mongare ante suara namangga bo tabue nu Alatala rapopomoni, tempo haitu i Pue Yesus mboto manau lako ri suruga. Bo topomparasaya i Kristus anu namatemo rapakatuvu mokolu.

Ibrani 1:3

AnaNa haitu nompopakita kuasa bo kaoge nu Alatala, bo Ia nasimbayu nte Alatala. Iamo nombakuasai bo nompiara mpengaya-ngaya ri dunia ante tesaNa nakuasa. Naupu Ia nombakabasaka manusia lako ri dosa, Ia nonturo ri ponturo magau ri suruga ri panggana nu Alatala toNeliu KaogeNa.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

Pompakita 1:7

Peintamo! Ia makava nibungu kulimu. Ia rakita ntona pura-pura, nau ira anu nombatosu usuNa. Bo pura-pura valaa manusia ri dunia motumangi mpojea manggita Ia. Haitu mpuu-mpuu majadi! Amin!

Pompakita 20:11

Naupu haitu nikitaku sangu Gadera Kamagaua nabula bo nambaso. Bo nikitaku muni Toponturo ri Gadera haitu. Nariapa Ia ri sia, nalipo singganimo dunia, bo domo naria nikita.