Matius 26:26 - Kaili Ledo

²⁶ Tempo ira da nangande, i Yesus nangala roti bo nosambaya nanguli tarima kasi ka Alatala. Naupu haitu nitubiNa roti haitu bo nibagiNa ka ana-anaguruNa bo nanguli, “Alamo roti hitu, bo kandemo. Hitumo karoKu.”

Matius 26:26 ပူးပေါင်းရင်းမြစ်များ

Matius 14:19

Naupu haitu nituduNa todea monturo ri kavoko. Bo nialaNamo lima-angu roti bo rombaa bau haitu bo nitingoaNamo langi bo nosambaya nanguli tarima kasi ka Alatala. Naupu nosambaya, nitubi-tubiNa roti pangane bo nidekeiNa ka ana-anaguruNa ala rabagi-bagira ka todea.

Matius 26:27

Naupu haitu nialaNa muni saboda uve anggur. NiuliNa tarima kasi ka Alatala pade nidekeiNa ka ira bo nanguli, “Panginu puramo komiu

Markus 6:41

I Yesus nangala lima-angu roti bo rombaa bau haitu, pade nitingoaNa langi bo nosambaya, nanguli tarima kasi ka Alatala. Naupu haitu, nitubi-tubiNa roti bo nidekeiNa ka ana-anaguruNa mompalele ka todea gahaitu. Ivesia muni nipoviaNa ante bau rombaa.

Lukas 22:17

Naupu sia i Yesus nangala saboda uve anggur bo niuliNa tarima kasi nte Alatala. Pade niuliNa ka anaguruNa, “Alamo uve anggur hitu bo inumo, saito-saito.

Lukas 24:30

Tempo Ia nonturo nangande sanggani ante ira, nialaNa roti pade niuliNa tarima kasi ka Alatala. Naupu haitu nitubiNa roti haitu bo nibagiNamo ka ira.

Suro-Suro 2:46

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara.

Suro-Suro 20:7

Bongi Aka, kami nasiromu nangande nosanggani-nggani ante topomparasaya ri ngata Troas. I Paulus notesa sampe tanga bongi, apa patujuna maile mpadondona mompapola polipana.