Matius 25:44 - Kaili Ledo

⁴⁴ Bo ira manguli ka Yaku, ‘Pue, ipia nikita kami naara taiMiu, atau nabai tamboloMiu, atau Komiu tosangatana atau ledo nopakea, atau nadua, atau nitarunggu bo kami ledo nantulungi Komiu?’

Matius 25:44 ပူးပေါင်းရင်းမြစ်များ

Matius 10:41

Isema-sema nantarima saito suro nu Alatala sabana ia mpuu-mpuu suro nu Alatala, tona haitu manggava tambo nasimbayu eva anu radekeika suro haitu. Bo isema-sema nantarima saito tonoa sabana ia mpuu-mpuu nanoa, tona haitu manggava tambo nasimbayu eva tambo radekei ka tona nanoa haitu.

Matius 25:43

Yaku tosangatana tapi ledo nitarimamiu Yaku ri banuamiu. Yaku ledo nopakea tapi ledo nidekeimiu pakea ka Yaku. Yaku nadua bo nitarunggu, tapi komiu ledo nakava nompelioda Yaku.’

Matius 25:45

Bo Yaku mesana ka ira, ‘Pariaramo tesaKu hitu! Tempo komiu ledo nadota nantulungi sampesuvu-sampesuvuKu hitu anu naede panggana, batuana komiu ledo nadota nantulungi Yaku.’ ”

Matius 5:6

Nabelo mpuumo tona naino rarana matuvu manoa ri panggita nu Alatala, sabana Alatala mbotomo mompopapakule ia matuvu manoa.

Matius 7:22

Ri Eo Potangara bara maipia madea tona manguli ka Yaku, ‘Pue, Pue! Kami nompasimbayu tesaMiu ka tona ntanina ante kuasaMiu bo ante kuasaMiu muni kami nompopalai seta-seta lako nte tona. Bo nadeamo kabaraka nipovia kami nte kuasaMiu!’

Lukas 10:29

Tapi guru agama haitu ledo nadota radagi, nisarumakana nanoamo pokaingguna. Jadi nekutana vai ia nte i Yesus, “Isema singgamanusiaku kana kupotove?”