Matius 25:4 - Kaili Ledo

⁴ Tapi randaa nanoto, nanggeni poindo bo nipakasadiara munimo lana raisi ri poindora ane maoti ngena lanana.

Matius 25:4 ပူးပေါင်းရင်းမြစ်များ

Matius 10:16

“Pariaramo tesaKu hitu! Komiu Kusuro hau ri tatanga ntona nadaa nasimbayu eva bimba ri tatanga asulaku. Jadi komiu kana matau eva ule bo malusu rara eva tonji togou.

Matius 25:2

Alima ira nadoyo, bo alima nanoto.

Matius 25:3

Randaa nadoyo nanggeni poindo tapi ledo nipakasadiara lana raisi ri poindora ane maotimo lanana.

Matius 25:5

Nasae mpuu nipopeara, dopa-dopa nakava boti langgai sampe naroyo matara bo namonjo puramo.

Matius 7:24

“Jadi isema-sema mangepe tesaKu bo mangoseakana, ia nasimbayu ante topande novia banuana ri bavo vatu.

Yohanes 3:34

Tona nisuro nu Alatala, Iamo nompapola tesa nu Alatala, sabana Alatala nombadekei Nosa GasaNa ka Ia, ledo ria pantaaNa.

Roma 8:9

Tapi komiu domo nangoseaka dota raramiu nadaa. Komiu nangoseaka dota Nosa Gasa nu Alatala ane Nosa Gasa mpuu-mpuu nonturo riara ntaimiu. Isema-sema ledo ria Nosa Gasa i Kristus riara ntaina, ia ledo todea i Kristus.

2 Korintus 1:22

bo nidekeiNa Nosa GasaNa riara ntaita, tandana kita todeaNa. Nosa GasaNa haitu panggangisita ala rasanita janji nu Alatala ka kita mpuu-mpuu rapakadupaNa.

1 Yohanes 2:20

Tapi nitarimamiumo Nosa Gasa nu Alatala, anu nipopanau i Yesus Kristus. Haitu sampe komiu pura-pura nangisani pepatuduki nakana.

1 Yohanes 2:27

Tapi kakanana domo paraluu tona ntanina mompatuduki komiu, sabana nitarimamiumo Nosa Gasa anu nipopanau i Kristus. Bo Nosa Gasa haitumo naroo riara ntaimiu bo nompatuduki ka komiu pura-pura anu paraluu rasanimiu. PepatudukiNa haitu nakana pura, ledo naria dava. Sabana haitu, komiu kana maroo matuvu mosangu rara nte i Kristus nangoseaka anu nipatuduki Nosa Gasa ka komiu.

Yudas 1:19

Tona haitumo nompakagero kasintuvu ntopomparasaya. Ira nikuasai dota-dota rarara nadaa, bo Nosa Gasa nu Alatala ledo ntoto naria nte ira.