Matius 25:35 - Kaili Ledo

³⁵ Sabana tempo naara taiKu, nipakandemiu. Tempo nabai tamboloKu, nipainumiu. Nau Yaku tosangatana, nitarimamiu ri banuamiu.

Matius 25:35 ပူးပေါင်းရင်းမြစ်များ

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Matius 26:11

Apa tona napakasi bate-batena maria ri tatangamiu, tapi Yaku ledo.

Markus 14:7

Tona napakasi nasaro naria ri tatangamiu bo komiu mamala mantulungi ira maipia tempo rapodotamiu. Tapi Yaku hii, ledo bate-batena mosanggani ante komiu.

Lukas 11:41

Dekeimo ka tona napakasi ante belo rara bo ivesiamo pura-pura majadi magasa ka komiu.

Yohanes 13:29

Naria sanu nompekiri i Yesus nombatudu i Yudas hau mangali bara nuapa-nuapa rapakera riara posusa haitu, bara mombadekei doi ka tona napakasi, apa i Yudas topomboliaka doira.

Suro-Suro 10:31

Ia nanguli ka yaku ivei: ‘Kornelius! Posambayamu nitarima nu Alatalamo, bo nitoraNa kabelo raramu nantulungi tona napakasi.

Suro-Suro 11:29

Nangepe haitu, pura-pura topangoseaka i Yesus ri Antiokhia, nasintuvu mompakatu petulungi ka sampesuvura sampomparasaya anu nonturo ri bagia Yudea. Ira nombadekei nantuntuni pompakulera saito-saito.

Suro-Suro 16:15

Naupu haitu i Lidia sambanua nidiu, tandana ira topangoseaka i Yesus. Naupu ira nidiu, i Lidia nombagaga kami hau ri banuana. Niulina, “Nikitamiu yaku hii mpuu-mpuu nomparasaya i Pue Yesus. Jadi kamaimo monturo ri banua kami.” Nipasimbukuna kami hau ri banuana.

Suro-Suro 4:32

Pura-pura topangoseaka i Yesus natuvu nosangu rara bo nosangu pekiri. Ledo ria saitoa nanguli mbara-mbarana anuna mboto. Anu naria ante ira, anura mpasanggani-nggani.

Roma 12:13

Tulungimo roa sampomparasaya anu napepa, bo tarimamo torata riara banuamiu.

Roma 12:20

Jadi, oseakamo pepatuduki ri Buku Gasa anu nanguli ivei: <> Amsal 25:21-22

Roma 16:23

Tarima muni tabe lako nte i Gayus. Yaku i Paulus, nipalogana nonturo ri banuana, bo topomparasaya ri sii muni biasa nasiromu nodade ri banuana. Tarimamo tabe lako nte i Erastus, topompasiayu doi ri ngata hitu. Bo tarima muni tabe lako nte sampesuvuta i Kwartus.

Efesus 4:28

Topangangga kana menonto mangangga. Ira kana mokarajaa ante palera mboto mompaelo katuvura ala mamala ira mantulungi tona ntanina napepa.

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

Filemon 1:7

Sampesuvuku, nadamba mpuu yaku, bo raraku nipakaroso nangepe pepotovemu ka todea nu Alatala. Bo petulungimu mpuu-mpuu nompakasana rarara!

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

Ibrani 6:10

Alatala ledo natenggo raraNa, Ia ledo malinga raraNa ante poviamiu bo pepotovemiu. Nipopakitamiu tovemiu ka Ia tempo komiu nombatulungi sampesuvumiu sampomparasaya, nompamula lako ri nggauluname sampe sii-sii.

Yakobus 1:27

Tapi poagama nakana, anu ledo rasalai nTuamata Alatala, haitumo nantulungi ngana-ngana pailu bo timbala-timbala nasusa, bo nombajagai karo mboto ala ledo mangoseaka pokainggu nadaa nipovia ntona anu ledo nosisani nte Alatala.