Matius 25:30 - Kaili Ledo

³⁰ Bo tedeakamo batua anu ledo ria gunana haitu hau ri savalikuna ri kalandana. Hamai ia bate-batena motumangi bo masinggiki ante susa rara.’ ”

Matius 25:30 ပူးပေါင်းရင်းမြစ်များ

Matius 13:42

Ira pura-pura ratedeaka riara apu narakaa anu navaya-vaya. Ri situmo ira aga motumangi-mangi bo masinggiki baga ante kasusa rara.

Matius 13:50

Tona nadaa ratedeaka riara apu narakaa anu navaya-vaya, bo ri situmo ira motumangi-mangi bo masinggiki baga ante kasusa rara.”

Matius 22:13

Bo nanguli magau ka batuana, ‘Soomo palena bo kadana bo tedeakamo ia hau ri savalikuna ri ponturo nalanda. Hamai ia motumangi bo masinggiki ante kasusa.’ ”

Matius 24:51

Bo batua haitu rapatesi. Ia ratedeaka riara narakaa, ponturo ntona aga nabelo ri sumba. Hamai ira motumangi-mangi bo masinggiki baga ante masusa mpuu rara.”

Matius 3:10

Pehuku nu Alatala nasimbayu eva baliu, nasadiamo rapotovo kayu sampe ri kalena ane ledo naria vuana nabelo. Kayu ledo nabelo vuana ratovosi bo ratedaka ri mata nu apu.

Matius 5:13

“Komiu nasimbayu eva gara ri dunia. Tapi ane gara mamolimo, domo mapaga mpanjili! Natantu gara haitu domo ria gunana, bo aga ratedaka bo rajeje-jeje ntona.

Matius 8:12

Tapi toYahudi mboto anu masipato majadi todea riara Poparenta nu Alatala ledo mamala. Ira aga ratedaka ri kalandana makavao lako nte Alatala, bo hamai ira aga motumangi-mangi bo masinggiki baga ante kasusa rara.”

Lukas 13:28

Tempo komiu manggita i Abraham, i Ishak, bo i Yakub mosanggani-nggani ante pura-pura nabi nggaulu mosusa madamba-damba ri Poparenta nu Alatala, motumangi komiu bo masusa mpuu raramiu sabana komiu rapopalai hau ri savalikuna!

Yohanes 15:6

Tona ledo naroo nosangu rara nte Yaku kana ratedeaka nasimbayu mpo tinggu nu valaa ratedeaka sampe mangau. Tinggu-tinggu nangau haitu aga rapasiromu ratedeaka ri mata nu apu bo rapalabu.

Titus 3:14

Sampesuvuta sampomparasaya kana masaro movia anu nabelo, ala mamala mombatulungi tona napepa. Nee sampe katuvura ledo maria gunana.

2 Petrus 2:17

Guru-guru mpodava haitu nasimbayu mpo mata nu uve naotimo. Ira nasimbayu mpo kulimu vuri aga niburu mpoiri narimboso. Alatala nompakasadia ponturo nalanda mpirika ka ira.

Yudas 1:13

Ira nasimbayu mpo balumba mbaso niburu mpoiri, bo pokainggura anu nepakaeya nasimbayu mpo rumpu bo bura natapa nitompesaka ri talinti. Ira nasalandala lako ri dala nakana nasimbayu mpo betue-betue mpolinja ri langi ledo nangoseaka dala nipakatantu ka ira. Jadi nipakasadia nTupumo ponturo nalanda mpirika ka ira sampe ri kasae-saena.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”