Matius 25:29 - Kaili Ledo

²⁹ Apa isema naria madea, kana ratambai ka ia sampe madea mpuu nte ia. Tapi isema naria aga sakide, raalasi puramo lako nte ia.

Matius 25:29 ပူးပေါင်းရင်းမြစ်များ

Matius 13:12

Apa isema-sema mantarima bo mangoseaka Tesa nu Alatala, kana ratambaika pangisanina sampe rasanina mpuu patuju nu Alatala. Tapi tona ledo nadota mantarima bo mangoseaka Tesa nu Alatala, masae-sae anu sakide nisanina haitu ralelakasi lako nte ia.

Matius 21:41

Nesana ira, “Natantumo rapatesina ira nadaa haitu bo rabolina taluana ka tona ntanina anu madota mombadekei ka ia bagiana lako ri asele ntalua ri tempona.”

Matius 25:28

Bo niuli madika ka batuana ntanina, ‘Alamo doi bulava sanjobu mpeka haitu lako nte ia, bo dekei ka batua pangane, anu naria sapulu-njobu mpeka!

Markus 4:25

Isema-sema mantarima bo mangoseaka Tesa nu Alatala, kana ratambaika pangisanina Tesa haitu. Tapi isema-sema ledo mantarima bo mangoseaka Tesa nu Alatala, pangisani anu naria nte ia ralelakasi lako nte ia.>>

Lukas 10:42

Tano mai aga sangaya nopoko, haitumo mangepe tesa nu Alatala. I Maria nompelisi tobelona, anu ledo mamala raalasi ntona lako nte ia.”

Lukas 8:18

Jadi pariara pakabelo-belo Tesa nu Alatala niepemiu, sabana isema-sema mantarima bo mangoseaka Tesa haitu kana ratambaika pangisanina Tesa haitu. Tapi isema-sema ledo ratarimana bo ledo raoseakana Tesa nu Alatala, pangisani sakide naria nte ia ralelakasi lako nte ia.”

Yohanes 11:48

Ane kita batena mompalamba Ia ivesia, natantumo pura-pura tona momparasaya Ia ngena! Bo kaupuna tantara nu Magau Mbaso ri ngata Roma makava mombagero Banua nu Alatala bo pura-pura ngatata!”

Yohanes 15:2

Tinggu-tingguKu anu ledo novua nikoto bo nitedakaNa. Tapi tinggu-tinggu novua nipegasaNa pakabelo-belo ala mantambai kadea vuana.

Pompakita 2:5

Nakavao ntotomo kanavumiu! Haitu sampe Kuuli ka komiu, pakabelo-belo! Kajeamo komiu, bo poviamo mpo anu nipoviamiu ri pamulana. Ane ledo majea komiu, Kualasi kada mpoindo bulavamiu lako ri ponturona.