Matius 25:21 - Kaili Ledo

²¹ Nanguli madika, ‘Nabelomo! Komiu batua nabelo, natutu nantui bago anu niparasayaka komiu. Komiu namala niparasaya ante mbara-mbara sakide. Sabana haitu, mbara-mbara nadea kuparasayaka komiu. Kamaimo madamba mosanggani ante yaku.’

Matius 25:21 ပူးပေါင်းရင်းမြစ်များ

Matius 24:45

“Rapana naria batua anu nanoto bo natutu neoseaka, iamo raanggataka nu madikana majadi topompasiayu pura-pura batua ntanina riara nu banua. Iamo mompasiayu kandea ka batua-batua ntanina eo-eo.

Matius 24:47

Pariaramo tesaKu hitu. Madika haitu manganggataka ia majadi topompasiayu pura-pura mbara-mbarana.

Matius 25:23

Nanguli madika, ‘Nabelomo! Komiu batua nabelo, bo natutu nantui bago niparasayaka komiu. Komiu namala niparasaya ante mbara-mbara sakide. Sabana haitu, madea kuparasayaka komiu. Kamaimo madamba mosanggani ante yaku.’

Matius 25:46

Bo i Yesus nompakaupu tesaNa ante nanguli, “Pura-pura tona nadaa haitu rahuku sampe ri kasae-saena. Tapi tona nanoa, matuvu mabelo sampe ri kasae-saena.”

Lukas 12:44

Pariaramo tesaKu hitu! Madika haitu manganggataka ia majadi topompasiayu pura-pura mbara-mbarana.

Lukas 16:10

Tona namala niparasaya ante mbara-mbara sakide, namala muni niparasaya ante mbara-mbara nadea. Tapi ane ia ledo nokainggu nanoa ante mbara-mbara sakide, ia ledo mokainggu manoa ante mbara-mbara nadea.

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Yohanes 14:3

Bo maupu Yaku hau mompakasadia ponturo ka komiu, Yaku kana manjili tumai mombatomunaka komiu ala ri umba Kuponturo, ri sia muni raponturomiu.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Roma 2:29

Tapi toYahudi anu mpuu-mpuu todea nu Alatala, haitumo tona mpuu-mpuu rarana nangoseaka Alatala. Bo tona mpuu-mpuu nisuna, nisuna riara ntaira. Batuana, ira najadi todea nu Alatala sabana pokarajaa Nosa Gasa nu Alatala riara ntaira, ledo sabana pangoseakara atura-atura nitulisi. Tona ivehaitu ratoiya nu Alatala, nau ledo nitoiya nu manusia.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

2 Korintus 10:18

Sabana, tona nipokono nu Alatala ledo topantoiya karona mboto tapi tona nitoiya nu Alatala.

2 Korintus 5:9

Jadi kami nompasimbuku mompakadamba raraNa, nau kami da natuvu ri dunia, nau kami mompalaisi dunia hitu.

Filipi 1:23

Yaku nitaja mpekiri rongaya. Yaku mpuu-mpuu madota mompalaisi dunia hitu hau monturo mosanggani-nggani ante i Kristus, sabana haitumo nabelopa.

1 Timotius 3:13

Ane mabelo pokarajaana mombatulungi pokarajaa nTupu, tantu ia rabila ntona bo ia mantambai mabia mosabiki pomparasayana i Yesus Kristus.

2 Timotius 2:12

Ane kita nombatidamaka riara kasusata, Kita momparenta mosanggani-nggani ante Ia bara maipia. Ane kita mombasapu Ia Ia muni mombasapu kita.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

Pompakita 2:10

Tapi nee maeka komiu mantingayo kasusa bo kapari anu domo masae kana rarasaimiu. Pariaramo! Magau nu Seta mompopesua sanu komiu hau rantarunggu bo mompesori komiu ala moura pomparasayamiu. Komiu rapandasa sapulu eo kasaena. Tapi nee maupu raramiu momparasaya Yaku nau komiu rapatesi, sabana Kudekei ka komiu hadia padagi, haitumo komiu matuvu mabelo sampe ri kasae-saena.

Pompakita 21:7

Isema-sema padagi, rakavana pura-pura anu niuliKu pangane. Bo Yakumo majadi Alatalara bo ira majadi anaKu.

Pompakita 3:21

Isema-sema padagi, ia Kupaloga monturo moparenta mosanggani nte Yaku ri Gadera KamagauaKu, nasimbayu mpo Yaku muni najadi padagi bo sii-sii nonturo bo noparenta nosanggani-nggani nte TuamaKu ri GaderaNa.

Pompakita 7:17

Sabana, Ana Bimba anu naria ri sinjori Gadera Kamagaua nu Alatala haitu nompoevu ira. Ia nombanini ira hau ri mata uve anu nombadekei katuvua nabelo. Bo Alatala mboto nompaisi pura-pura uve mata lako ri matara mombaondopi ira.”