Matius 25:20 - Kaili Ledo

²⁰ Nakavamo batua niparasayaka lima-njobu mpeka doi bulava haitu nanggeni doi bo anana lima-njobu mpekapa anu nikavana. Bo niulina, ‘Pua, komiu nomparasaya ka yaku lima-njobu mpeka doi bulava bara ipia. Peintamo! Nipagoliku doi haitu sampe nanggava anana lima-njobu mpeka muni.’

Matius 25:20 ပူးပေါင်းရင်းမြစ်များ

Matius 18:24

Tempo ia nompamula nomparesa doira, naria saito tomaoge nikeni mantingayo ia. Tomaoge haitu nadea ntoto indana nte magau haitu.

Lukas 19:13

Dopame ia hau, nipokiona ntani sapulu batuana bo nidekeikana simbo sampeka doi bulava ka ira. Pade niulikana, ‘Doi hitu rapagolimiu sampe manjili yaku.’

Suro-Suro 20:24

Tapi ledo kupotove katuvuku hitu. Nau yaku mpuu-mpuu rapatesi, ledo makuya, asaa kupakaupu pokarajaa nidekei i Pue Yesus ka yaku mompatolele Kareba Belo anu nombatesa kabelo nu Alatala nte kita.

1 Korintus 15:10

Tapi lako ri pepotove nu Alatala, yaku najadi suro i Pue Yesus. Bo pepotoveNa haitu naria aselena riara nggatuvuku. Yaku nokarajaa nelabipa kantamona pade suro-suro i Yesus ntanina. Tapi kakanana ledo yaku anu nokarajaa ntamo ivesia. Alatala anu nompotove yaku, Iamo nokarajaa nosanggani-nggani ante yaku.

Kolose 1:29

Haitumo sampe yaku nokarajaa ntamo, yaku mpuu-mpuu nompasimbuku nokarajaa ante kuasa nidekei i Kristus, apa kuasaNa riara nggatuvuku mpuu-mpuu naroso.

Yakobus 2:18

Bara rauli ntona ivei: naria tona nanjarumaka pomparasayana. Bo naria muni tona nanjarumaka pokaingguna. Tapi kuuli ka komiu, ledo rapakulemiu mompopakita pomparasayamiu ka yaku ane ledo nabelo pokainggumiu. Tapi ante pokaingguku nabelo, rasanimiumo yaku mpuu-mpuu nomparasaya.