Matius 25:17 - Kaili Ledo

¹⁷ Ivesia muni tona anu niparasayaka ronjobu mpeka doi bulava hau nipagolina doina haitu sampe nikavana anana ronjobu mpeka muni.

Matius 25:17 ပူးပေါင်းရင်းမြစ်များ

Matius 25:16

Tona niparasayaka lima-njobu mpeka doi bulava kaliu-liu hau nompagoli doi haitu sampe nikavana anana lima-njobu mpeka muni.

Matius 25:18

Tapi tona niparasayaka sanjobu mpeka doi bulava haitu, hau nikaena lovu bo nitabuniakana doi nu madikana.

Suro-Suro 10:2

I Kornelius natundu nte Alatala. Naupa ira ledo toYahudi tapi ira sambanua netupu nte Alatala. Ia nasaro nantulungi toYahudi anu napakasi, bo ia nasaro nosambaya ka Alatala.

2 Korintus 8:12

Apa ane rarata mpuu-mpuu mombadekei, pedekeita haitu ratarima nu Alatala nangoseaka anu naria nte kita, ledo nangoseaka anu ledo ria nte kita.

Efesus 5:16

Pakemo loga naria nte komiu movia anu nabelo, sabana tempo sii-sii pokainggu manusia nadaa mpuu.

Kolose 4:17

Bo ulika i Arkhipus ivei: “Pakaupumo pokarajaa nidekei nu Alatala ka iko!”

1 Timotius 5:10

Bo nisani ntonamo pokaingguna nabelo. Jonjona: nipakambasona pakabelo anana, nadamba rarana nantarima torata riara banuana, nijampangina topomparasaya, nitulungina tona nasusa, bo ia nabiasamo novia mpengaya-ngaya anu nabelo.

1 Petrus 4:10

Kita simbo nidekeika pompakule ledo nasimbayu lako nte Alatala, bo kita kana mompake pakabelo pompakule nipatava ka kita mombatulungi tona ntanina.