Matius 25:15 - Kaili Ledo

¹⁵ Saito niparasayana ka lima-njobu mpeka doi bulava, saitopa niparasayana ka ronjobu mpeka doi bulava, bo saitopa niparasayana ka sanjobu mpeka doi bulava. Ira niparasaya ka doina nangoseaka pompakulera mompopogoli doi. Naupu haitu hau ia ri polipana.

Matius 25:15 ပူးပေါင်းရင်းမြစ်များ

Matius 18:24

Tempo ia nompamula nomparesa doira, naria saito tomaoge nikeni mantingayo ia. Tomaoge haitu nadea ntoto indana nte magau haitu.

Matius 21:33

I Yesus nompapola tesaNa ka pakeni-pakeni ntoYahudi. NiuliNa, “Epe porapa ntanina. Naria saito tupu ntalua nombatuda anggur ri taluana. Nivalana ntiku talua haitu bo nikaena lovu ri vatu rapompea vua anggur. Bo nipoviana sou pojaga ri talua haitu. Naupu haitu nibolina talua haitu nte bara sako-ndua topokarajaa mojampangina, damo rabagi aselena, bo hau ia ri ngata nakavao.

Lukas 12:48

Tapi ane ledo nisani nu batua nuapa nipodota nu madikana bo nipoviana anu nasala sampe masipato rahuku, ia aga raboba sakide. NiuliKu ivesia sabana tona nidekeika nadea, nadea muni ratuntu lako nte ia. Tona niparasayaka nadea, nadea muni rasarumaka lako nte ia.”

Efesus 5:33

Tapi tesa hitu nosinggambela muni ante komiu topoberei. Pura-pura langgai kana mompotove bereina nasimbayu mpo pompotovena karona mboto, bo pura-pura mombine kana mompasimbuku mombabila bereina langgai.