Matius 25:14 - Kaili Ledo

¹⁴ “Tempo Yaku makava mpanjili masimbayu nte porapa hitu: Saito madika nopatuju hau ri ngata nakavao. Dopame ia hau, nirondena batua-batuana bo niparasayana ka ira kakalumanana.

Matius 25:14 ပူးပေါင်းရင်းမြစ်များ

Matius 21:33

I Yesus nompapola tesaNa ka pakeni-pakeni ntoYahudi. NiuliNa, “Epe porapa ntanina. Naria saito tupu ntalua nombatuda anggur ri taluana. Nivalana ntiku talua haitu bo nikaena lovu ri vatu rapompea vua anggur. Bo nipoviana sou pojaga ri talua haitu. Naupu haitu nibolina talua haitu nte bara sako-ndua topokarajaa mojampangina, damo rabagi aselena, bo hau ia ri ngata nakavao.

Markus 13:34

Haitu nasimbayu nte porapa hitu: Naria saito tona hau ri ngata nakavao. Dopame ia hau, nidekeina mami kuasa ka batua-batuana mombaurusi banuana. Saito-saito nipakatantuna pokarajaa ka ira. Bo topojagai vamba nitevaina mainga-inga ante kakavana.

Lukas 20:9

Naupu haitu i Yesus notesa porapa ka todea ivei: “Naria saito langgai notuda salimpu talua anggur. Taluana haitu nidekeikana ka bara sako-ndua topokarajaa mojampangina, damo mobagi aselena. Pade nalaimo ia hau ri ngata ntanina bo nasae nonturo hamai.

1 Korintus 12:4

Naria mpengaya-ngaya pompakule lako nte Nosa Gasa, tapi pura-pura pompakule haitu nopuna lako ri sangu Nosa Gasa.

1 Korintus 3:5

Pekirimo! Isema yaku? Bo isema i Apolos? Kami aga batua-batua nu Alatala nanggeni komiu nomparasaya i Yesus. Kami aga batua anu simbo nokarajaa pokarajaa nidekei nu Alatala ka kami.

Efesus 4:11

Iamo nompalele pedekei-pedekei ka kita. Sanu nidekeikaNa pompakule majadi suro, sanu nidekeikaNa pompakule majadi nabi anu mompasimbayu tesa nitarimana lako nte Alatala. Sanu muni nidekeikaNa pompakule majadi topompatolele Kareba Belo, bo ntanina nidekeikaNa pompakule manggeniaka bo mompatuduki todea topomparasaya.