Matius 25:12 - Kaili Ledo

¹² Tapi nesana boti langgai, ‘Ledo nisaniku komiu!’ ”

Matius 25:12 ပူးပေါင်းရင်းမြစ်များ

Matius 25:11

Naupu sia nakava munimo alima randaa nadoyo pangane. Bo nongaremo ira lako ri savalikuna, ‘Tua! Tulungi, buka ka kami vamba!’

Matius 25:13

I Yesus nompakaupu porapaNa ivei: “Haitu sampe komiu kana mainga-inga, apa ledo nisanimiu eona atau jaana Yaku makava.”

Lukas 13:25

Apa ane rapana, tupu nu banua membangu mombatutui vamba, bo komiu meangga ri savalikuna mombatanede vamba bo manguli, ‘Tua, ungge ka kami vamba!’ tupu nu banua haitu aga mesana ivei: ‘Ledo nisaniku komiu!’

Yohanes 10:27

Bimba-bimbaKu nantalingai tesaKu bo nisaniKu ira bo nioseakara Yaku.

Yohanes 9:31

Nisanita Alatala ledo nangepe posambaya ntona nadosa, tapi Ia nompetalingai posambaya ntona netupu nte Ia bo nangoseaka dotaNa. Ane tona haitu ledo lako nte Alatala, berimbamo Ia mompakabelo mataku?

1 Korintus 8:3

Tapi isema-sema mpuu-mpuu nompotove Alatala, ia niposisani nu Alatala.

Galatia 4:9

Tapi sii-sii nisanimiumo Alatala—atau nabelopa rauli, nisani nu Alatala komiu. Jadi nakuya komiu madota matundu mpanjili nte anu ledo nompakule mantulungi komiu majadi manoa ri panggita nu Alatala? Nakuya komiu madota rapobatuara mpanjili?

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”