Matius 24:44 - Kaili Ledo

⁴⁴ Ivesia muni komiu kana mainga mompopea kakavaKu, apa ledo nisanimiu tempona Yaku, Ana nu Manusia, makava.”

Matius 24:44 ပူးပေါင်းရင်းမြစ်များ

Matius 24:27

Sabana tempo Yaku, Ana nu Manusia, makava mpanjili, kakavaKu malanto rakita ri umba-umba ri dunia, nasimbayu mpo kila novende ri mpandakena bo nevanta sampe ri kasolona.

Matius 24:42

Haitu sampe Kuuli, komiu kana mainga, apa ledo nisanimiu maipia makava Tupumiu.”

Matius 24:43

“Pariaramo! Ane rasani ntupu banua tinti sakuya bongina topangangga makava, natantumo mainga-inga ia bo ledo rapalambana topangangga mesua rara banuana.

Matius 25:10

Jadi haumo randaa-randaa nadoyo mangali lana. Tapi tempo ira da ri tatanga dala hau mangelo lana, nakavamo boti langgai. Bo randaa-randaa anu nasadia poindona, nesua rabanua posusa nosanggani-nggani ante boti langgai. Naupu haitu niupimo vamba.

Matius 25:13

I Yesus nompakaupu porapaNa ivei: “Haitu sampe komiu kana mainga-inga, apa ledo nisanimiu eona atau jaana Yaku makava.”

Lukas 12:39

Pade nanguli munimo i Yesus, “Pariaramo porapa hitu! Ane rasani ntupu banua tinti sakuya topangangga makava, natantumo rajagaina banuana bo ledo rapalambana topangangga mesua rabanua.

Lukas 12:40

Ivesia muni komiu. Komiu kana mainga mompopea kakavaKu, apa ledo nisanimiu tempona Yaku, Ana nu Manusia makava.”

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Filipi 4:5

Kusarumaka pura-pura tona manggita kabelo raramiu. Toramo! Domo masae makava i Pue Yesus.

Yakobus 5:9

Nee mongalu bo mosipakasala, ala komiu ledo rahuku nu Alatala. Toramo! Domo masae makavamo Ia mombatangara manusia.

Pompakita 19:7

Kamaimo kita modade ante damba rara. Kamaimo kita mantoiya kaogeNa. Sabana, nakavamo eo ponika Ana Bimba. Boti mombine nasadiamo ranika.