Matius 24:31 - Kaili Ledo

³¹ Tabue nambaso rapopomoni bo Kutudu malaeka-malaekaKu hau mompasiromu tona nipelisiKu lako ri umba-umba ri dunia.”

Matius 24:31 ပူးပေါင်းရင်းမြစ်များ

Matius 13:41

Yaku, Ana nu Manusia mombatudu malaeka-malaekaKu hau nte todea ri PoparentaKu mompasiromu pura-pura tona anu nompakanavu roa riara dosa bo pura-pura tona ntanina anu novia nadaa.

Matius 24:22

Rapana tempo pepandasa haitu ledo rapakambuku, natantu nau saitoa tona ledo maria matuvu. Tapi lako ri tove nu Alatala ka todea topomparasaya anu nipelisiNa, tempo pepandasa haitu kana rapakambukuNa.

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Matius 24:32

“Pariaramo pepatuduki lako ri kayu ara. Ane rakitamiu tinggu-tingguna naramata bo tavana nompamula noroya, nisanimiu naparamo tempo mapane.

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Markus 13:27

Maupu haitu, Kutudu malaeka-malaekaKu hau mompasiromu tona nipelisiKu lako ri umba-umba ri dunia.>>

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Yohanes 11:52

Bo ledo aga toYahudi, tapi nibotusina muni i Yesus mamate ka pura-pura ana-ana nu Alatala ntanina ri umba-umba ri dunia, ala ira rapasiromu majadi sangu.

Roma 10:18

Tapi berimbamo? Dopa niepe ntoYahudi Kareba Belo? Natantu nieperamo apa nitulisi riara Buku Gasa ivei: <> Mazmur 19:5

1 Korintus 15:52

Riara sampida mata tempo tabue i Pue rapopomoni ri kaupu nu dunia, tona anu namatemo rapakatuvu mpanjili ante karo anu domo mapopo, bo kita pura-pura anu da natuvu rabaliki muni.

Efesus 1:10

ri tempo nipakatantuNa. Iveimo niaNa haitu: pura-pura anu naria ri suruga bo ri dunia rapoposinggabeloNa lako ri posangu rarara nte i Kristus, bo i Kristus mombabalenggai pura-pura.

1 Tesalonika 4:16

Tempo Alatala mombadekei parenta, tadulako malaeka mongare ante suara namangga bo tabue nu Alatala rapopomoni, tempo haitu i Pue Yesus mboto manau lako ri suruga. Bo topomparasaya i Kristus anu namatemo rapakatuvu mokolu.

2 Tesalonika 2:1

Kapolana, sampesuvu-sampesuvu. Kami madota motesa sakide ka komiu anu majadi tempo Tuputa Yesus Kristus makava mpanjili bo kita rapasiromu mosanggani-nggani ante Ia. Kami mpuu-mpuu merapi,

Ibrani 12:19

Niepera moni tabue namangga mpuu bo niepera suara notesa. Nangepe suara haitu, naeka mpuumo ira sampe niperapira ante mpuu-mpuu ala suara haitu domo motesa ka ira.

Pompakita 1:20

Dopa nisanimu batuana pitu-angu betue nikitamu ri pale ngganaKu hitu bo pitu nggada poindo bulava. Jadi kupakalanto batuana ivei: pitu-angu betue haitu nirapaka papitu malaeka anu nanggeniaka todea topomparasaya anu nonturo ri pitu-ngata. Bo pitu nggada poindo bulava haitu nirapaka todea topomparasaya anu naria ri pitu-ngata haitu.”

Pompakita 11:15

Naupu haitu malaeka kapapituna nompopomoni tabuena. Bo kaliu-liu nariamo suara-suara ri suruga nongare ante namangga mpuu ivei: “Sii-sii pura-pura poparenta ri dunia hitu najadi poparenta nTuputa bo poparenta nu Magau Topepakasalama anu nijanji nu Alatala. Ia momparenta sampe ri kasae-saena!”

Pompakita 7:1

Naupu haitu, nikitaku ampa malaeka neangga ri pata-njulapa dunia. Ira nombataamaka poiri rimboso lako ri pata-njulapa dunia ala poiri haitu ledo meburu ri tasi bo ri kabatana bo ri kayu-kayu.

Pompakita 8:2

Bo nikitaku papitu malaeka neangga ri ngayo nu Alatala. Ira nidekeika pitu-angu tabue.