Matius 24:3 - Kaili Ledo

³ Naupu haitu hau ri Bulu Zaitunmo i Yesus. Tempo Ia da nonturo hamai, ana-anaguruNa nakava motesa nggalino nte Ia. Niulira, “Guru, uli ka kami, maipia majadi pura-pura anu nitesaMiu pangane, bo berimba tandana kakavaMiu bo kaupu nu dunia hitu?”

Matius 24:3 ပူးပေါင်းရင်းမြစ်များ

Matius 13:36

Naupu haitu i Yesus nompalaisi todea haitu bo nanjili hau ri banua. Pade nakava anaguruNa nanguli ka Ia, “Guru, tulungi tesa pakalanto ka kami batuana porapa pangane, jono natuvu ri talua pae.”

Matius 13:49

Ivesia muni majadi ri Kaupu nu Dunia. Malaeka-malaeka nTupu kana hau mombataniaka tona nadaa lako ri tona nanoa.

Matius 15:12

Naupu haitu nakavamo ana-anaguruNa nanggaparai Ia bo nanguli, “Pue, nisaniMiu toFarisi nakodi rarara nangepe tesaMiu pangane?”

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 16:28

Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”

Matius 17:19

Naliu haitu, ana-anaguru nanggaparai i Yesus tempo ira domo ri tatanga ntodea, bo nekutana, “Guru, nuapa sabana ledo nipakule kami nompopalai seta pangane?”

Matius 21:1

Tempo naparamo ngata Yerusalem, ira nakava ri ngata Betfage ri kente nu Bulu Zaitun. Ri sia i Yesus nantudu randua anaguruNa mokolu.

Matius 24:27

Sabana tempo Yaku, Ana nu Manusia, makava mpanjili, kakavaKu malanto rakita ri umba-umba ri dunia, nasimbayu mpo kila novende ri mpandakena bo nevanta sampe ri kasolona.

Matius 24:30

Ri tempo haitu meumba tanda ri langi mompakalanto kakavaKu, Ana nu Manusia. Bo pura-pura manusia ri dunia motumangi ante eka nu rara, ane rakitara Yaku, Ana nu Manusia, manau riara kulimu ante kuasaKu bo kaogeKu nipokumaaka.

Matius 24:37

Tempo Yaku, Ana nu Manusia, makava bara maipia pokainggu nu manusia masimbayu mpo pokainggu ntona tempo Nabi Nuh nggaulu.

Matius 24:39

Ledo nisani ntodea nuapa rapambela ka ira sampe uve oge nanggabuntu sanggani bo ira naonga puramo. Ivesia muni tempo Yaku, Ana nu Manusia, makava.

Matius 24:43

“Pariaramo! Ane rasani ntupu banua tinti sakuya bongina topangangga makava, natantumo mainga-inga ia bo ledo rapalambana topangangga mesua rara banuana.

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Lukas 21:7

Ana-anaguru i Yesus nekutana, “Guru, maipia majadi pura-pura anu nitesaMiu tutu? Nuapa tandana ane maparamo tempona?”

Suro-Suro 1:7

Nesana i Yesus, “Aga TuamaKu nakuasa mompakatantu eona bo jaana. Ledo paraluu rasanimiu.

Ibrani 9:26

Apa ane rapana mpenggani-nggani Ia mesua, batuana mpenggani-nggani muni Ia kana mombarasai kasusa bo kapari nompamula lako ri lamba pamulana. Tapi kakanana, ri tempo sii-sii anu napara kaupu dunia Ia nakava aga sanggani nompakalali dosata ante nombadekei karoNa mboto nipatesi.