Matius 24:17 - Kaili Ledo

¹⁷ Isema-sema nangosanaka ri savaliku nu banuana, tumo mesua rabanua mangala bara nuapa-nuapa. Palaimo masalisa!

Matius 24:17 ပူးပေါင်းရင်းမြစ်များ

Matius 10:27

Pura-pura anu nitesaKu nggalino ka komiu, kana ratesamiu ri ngayo ntodea, bo anu nipanggalivayaKu ri talingamiu kana rapatolelemiu ka todea!

Matius 24:16

haitumo tandana tona ri bagia Yudea kana mangova malai hau ri bulu ala masalama.

Matius 24:18

Isema-sema nokarajaa ri talua, nee manjili ri banua mangala pakeana. Palaimo masalisa!

Matius 6:25

“Haitu sampe Kuuli ka komiu, nee makini raramiu mompekirika katuvumiu, bara nuapa rakandemiu atau rainumiu. Nee makini mompekirika baju nuapa rapasuamiu. Apa katuvuta nopokopa pade kandea bo karota nopokopa pade pakea.

Lukas 12:3

Jadi anu nitesamiu bongina, raepe ntona eona. Bo anu nipanggalivayakamiu ka roa riara ntombi, rapatolele ka todea ri savalikuna!”

Lukas 5:19

Tapi ledo nipakulera nesua, sabana nosimpii gaga tona ri sia. Jadipa nikeniramo topunggu haitu hau nompene ri bavo nu ata ntalumbu. Nibonggara ata haitu pade niulura topunggu ante ompana hau ri ngayo i Yesus ri tatanga ntodea.

Suro-Suro 10:9

Ri eo kamailena, tempo natanga eo, ira tatalu da ri polipara maparamo ngata Yope, i Petrus nompene mosambaya ri ata nu banua anu nantalumbu.