Matius 24:15 - Kaili Ledo

¹⁵ I Yesus nompapola pepatudukiNa ka anaguruNa ivei: “Nabi Daniel nggaulu nombaboto ‘Toperopu anu Nompakarunggu rara nu Alatala.’ (Topombaca tesa hitu kana pariaramo batuana!) Ane rakitamiu anu niboto Nabi Daniel haitu neangga ri Banua nu Alatala,

Matius 24:15 ပူးပေါင်းရင်းမြစ်များ

Matius 24:16

haitumo tandana tona ri bagia Yudea kana mangova malai hau ri bulu ala masalama.

Markus 13:14

<. (Isema-sema mombabaca tesa hitu kana rapariana batuana.) Jadi ane rakitamiu anu niboto Nabi Daniel neangga ri ponturo anu ledo masipato rapeanggana, haitumo tandana tona nonturo ri bagia Yudea kana mangova malai hau ri bulu ala masalama.

Lukas 19:43

Apa makava tempona ngena, ngatamiu ravala ntiku nu balimiu. Balimiu mompatiku komiu sampe ledo mamala komiu mesuvu.

Lukas 21:20

“Ane rakitamiu ngata Yerusalem rapatiku nu tantara balira, rasanimiumo domo masae ngata Yerusalem ragerosi.

Yohanes 11:48

Ane kita batena mompalamba Ia ivesia, natantumo pura-pura tona momparasaya Ia ngena! Bo kaupuna tantara nu Magau Mbaso ri ngata Roma makava mombagero Banua nu Alatala bo pura-pura ngatata!”

Suro-Suro 21:28

bo nongare-ngare, “ToYahudi! Tulungimo kami! Hitumo tona hau ri umba-umba nompatuduki todea mangeva kita toYahudi. Nipatudukina tona mombabaliki Atura-atura agama anu nipapola Nabi Musa, bo nisalaina Banua nu Alatala hitu! Sii-sii nikenina tona ledo toYahudi nesua riara Banua nu Alatala nompakaruto ponturo nagasa hitu!”

Suro-Suro 6:13

Nikenira muni sabi-sabi mpodava ri ngayo ntoPolibu haitu mombatesa i Stefanus anu ledo nakana-kanaka. Sabi-sabi haitu nanguli, “I Stefanus nasaro nanjalai Banua nu Alatala anu nagasa, bo nasaro muni nisalaina Atura-atura nu Alatala anu nipapola Nabi Musa ka kita.

Ibrani 2:1

I Yesus naogepa pade malaeka. Sabana haitu, kita kana manggangisi pakabelo-belo pepatuduki niepeta ala kita ledo masalandala lako ri dala nakana.

Pompakita 1:3

Masana mpuu tona anu mombabaca tesa-tesa niboto riara buku hitu ka todea, bo masana muni tona mangepe bo mompariara anu nitulisi riarana. Apa domo masae pura-pura kajadia nitesa ri sii mpuu-mpuu kana majadi.

Pompakita 3:22

Isema-sema naria talingana, epemo pakabelo-belo anu nitesa Nosa Gasa nu Alatala ka todea topomparasaya ri umba-umba ngata.”