Matius 23:8 - Kaili Ledo

⁸ Tapi komiu, aga saito Gurumiu bo komiu pura-pura nosampesuvu. Jadi nee radekei tona mombabila komiu bo manggasangai komiu ‘guru’.

Matius 23:8 ပူးပေါင်းရင်းမြစ်များ

Matius 10:25

Kana maosa rara anaguru ane ia manjava guruna bo kana maosa rara batua manjava madikana. Iyapa Yaku Gurumiu, niuli ntona i Beelzebul, Magau nu Seta, nemopa komiu anu najadi ana-ana riara banuaKu. Komiu muni kana rasalaira.”

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 23:10

Bo nee radekei tona manggasangai komiu ‘tua’ sabana aga saito masipato rakasangai ‘Tua’, Iamo Yaku, Topepakasalama anu nijanji nu Alatala.

Matius 23:7

Nipokonora rabila ntona ri potomu bo nadamba rarara ane tona nanggasangai ira ‘Guru’.

Matius 26:25

Naupu haitu nanguli i Yudas, anu mompobalu i Yesus ngena, “Guru, tantu ledo yaku niuliMiu.” Nesana i Yesus, “Tesamu mboto tu!”

Matius 26:49

Jadi nakava hamai, i Yudas nanggaparai i Yesus bo nanguli, “Tabe, Guru!” Bo niekina i Yesus.

Markus 10:51

Nekutanamo i Yesus, <> Nesana toburo haitu, <>

Markus 11:21

Jadi nitora i Petrusmo kajadia riavi. Niulina ka Yesus, <>

Markus 14:45

I Yudas kaliu-liu nanggaparai i Yesus bo nombatabe Ia nanguli, <> pade niekina.

Markus 9:5

Jadi nangulimo i Petrus ka i Yesus, <>

Lukas 22:32

Tapi niposambayaKukamo iko, Simon, ala pomparasayamu ledo moura. Jadi maupu iko rapesori bo muoseaka mpanjili Yaku, iko kana mompakaroso pomparasaya nu roamu.”

Yohanes 1:38

I Yesus neili ntaliku nanggita ira nangoseaka Ia. Bo nipekutanaNa, “Nuapa nielomiu?” Nesanamo ira randua, “Rabi, ri umba ponturoMiu?” (Batuana Rabi, Guru.)

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Yohanes 11:8

Nesana anaguruNa, “Guru, dopa nasae toYahudi hamai madota mombarempe Komiu ante vatu sampe mamate. Nuapa sabana sii-sii Komiu madota hau vai?”

Yohanes 20:16

Nanguli i Yesus ka ia, “He, Maria.” Nangepe haitu, neili i Maria bo nanguli riara basa Ibrani, “Rabuni!” (Batuana, “Guru.”)

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Yohanes 3:26

Pade ana-anaguruna haitu hau nte i Yohanes bo nanguli, “Guru, da nitoramiu tona nosanggani ante komiu ri sambote Binangga Yordan, anu nituduakamiu ka kami bara ipia? Hitupa Ia muni nombadiu tona, bo nadea mpuu tona hau nte Ia.”

Yohanes 4:31

Puri mombine rou rangata, nanguli ana-anaguru i Yesus ka Ia, “Kaimo Guru, mangandemo kita.”

Yohanes 6:25

Tempo tona dea nosintomu nte i Yesus ri sambote rano, nipekutanaramo, “Guru, ipia Komiu nakava ri sii?”

Yohanes 9:2

Nekutanamo ana-anaguru i Yesus, “Guru, isema nadosa sampe tona hitu naburo mami lako ri pompoanaka? Totuana atau ia mboto?”

2 Korintus 1:24

Kami ledo topeparenta anu aga nadamba nangulika komiu nuapa raparasayamiu bo nuapa rapoviamiu. Kakanana pomparasayamiu i Kristus naroso mamimo. Tapi kami aga madota mokarajaa mosanggani-nggani ante komiu ala komiu mpuu-mpuu madamba.

2 Korintus 4:5

Kareba nipatolele kami haitu ledo kareba karo kami mboto. Tapi kareba haitu nompakalanto i Yesus Kristusmo Tuputa pura-pura, bo kami hitu najadi batua nisuro i Yesus mombatulungi komiu.

Efesus 3:15

Iamo Tuama nu pura-pura anu naria, nau kita ri dunia, nau isi suruga.

Filemon 1:16

Jadi sii-sii ia domo aga batuamu, tapi nelabipa pade batua, haitumo, ia sampesuvuta sampomparasaya anu nipotoveta. Iyapa yaku nompotove ia, nemopa iko! Iko nompotove ia sabana ia batuamu, bo muni sabana ia sampesuvumu sampomparasaya.

Yakobus 3:1

Sampesuvu-sampesuvuku, nee madea komiu madota majadi guru agama, apa nisanimiu mantamopa potangara nu Alatala ka guru pade ka tona ntanina.

1 Petrus 5:3

Bo nee damo dota-dota mompatundu topomparasaya anu niparasayaka komiu, tapi nabelopa komiu majadi jonjo anu masipato rapasialara.

Pompakita 1:9

Yaku hii i Yohanes, sampesuvumiu sampomparasaya. Yaku nombarasai susa bo pari nasimbayu ante pura-pura topangoseaka i Yesus, bo yaku muni najadi todea riara PoparentaNa nasimbayu ante pura-pura topangoseaka i Yesus, bo yaku muni nosabara tempo nipandasa, nasimbayu ante pura-pura topangoseaka i Yesus. Yaku nitaniaka ri levuto Patmos, sabana nompatolele Tesa nu Alatala bo pepatuduki i Yesus.

Pompakita 19:10

Nangepe tesa haitupa, nantaputumo yaku sampe ri tana ri ngayo malaeka haitu mombasomba ia. Tapi nangulimo ia ka yaku, “Nemo! Nee rasomba yaku. Sombamo Alatala! Sabana yaku hii aga batua nu Alatala nasimbayu mpo iko bo nasimbayu mpo sampesuvumu sampomparasaya anu naroo nanggangisi pepatuduki nakana nipopaisani i Yesus. Apa pepatuduki nakana nipopaisani i Yesus, haitumo poko nu tesa ntona anu nompasimbayu tesa lako nte Alatala.”

Pompakita 22:9

Tapi malaeka haitu nombatagi yaku, “Nemo! Nee rasomba yaku! Sombamo Alatala! Apa yaku hii aga batua nu Alatala nasimbayu mpo iko bo roa-roamu nabi bo tona natutu nangoseaka tesa-tesa nitulisi riara buku hitu.”