Matius 23:37 - Kaili Ledo

³⁷ “Heh, komiu toYerusalem! Komiu nompatesi nabi-nabi bo tona nisuro nu Alatala nirempemiu vatu sampe namate! Nadea ngganimo Yaku madota mombasaliku komiu pura-pura, nasimbayu mpo manu tina nombarumutasi anana, tapi ledo nadota komiu.

Matius 23:37 ပူးပေါင်းရင်းမြစ်များ

Matius 22:3

Nituduna batua-batuana hau mompokio pura-pura tona anu nigagana makava ri posusa haitu Tapi ira nigaga haitu, ledo ria saitoa nadota hau.

Matius 22:6

roara ntanina aga nosaka batua-batua nitudu nu magau haitu pade nibobara bo nipatesira.

Matius 23:30

Bo niulimiu, ‘Ane kamimo natuvu tempo totuata nggaulu, kami ledo ntoto masituju mompatesi nabi-nabi!’

Matius 23:31

Tapi ante tesamiu haitu, komiu mboto nompangaku komiu muli ntopopatesi nabi-nabi, bo komiu mpuu-mpuu nanjava totuamiu!

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”

Lukas 15:28

Nangepe haitu, naraumo rara ana lumbua sampe ledo nadota ia mesua riara banua. Jadi nesuvu tuamana mantingengesi ia mesua.

1 Tesalonika 2:15

ToYahudi anu ledo nomparasaya haitumo nompatesi i Pue Yesus bo nabi-nabi nu Alatala bo ira muni nompandasa kami. Ira nangeva pura-pura manusia bo Alatala ledo ntoto nadamba nte ira.

Pompakita 17:6

Bo nikitaku mombine haitu nalangu sabana nanginu raa ntodea nu Alatala. Batuana, nadidi rarana nompatesi tona nomparasaya i Yesus bo nompatolele karebaNa. Nokumaa mpuu raraku nanggita mombine haitu.