Matius 23:33 - Kaili Ledo

³³ Komiu tona nadaa bo muli ntona nadaa! Nisarumakamiu komiu ledo rapambela pehuku riara narakaa?

Matius 23:33 ပူးပေါင်းရင်းမြစ်များ

Matius 12:34

Komiu tano tona nadaa mpuu eva ule! Ledo ntoto nipakulemiu notesa anu nabelo, sabana nadaa mpuu raramiu! Apa tesa nisovadakata aga nangoseaka anu naria riara ntaita.

Matius 23:32

Jadi povia-viamo dosa nasimbayu ante dosa ntotuamiu nggaulu haitu!

Matius 3:7

Nadea toFarisi bo toSaduki nakava mekidiu nte i Yohanes. Tapi tempo i Yohanes nanggita ira, nanguli ia, “Komiu noakala nasimbayu eva ule! Nisarumakamiu ane komiu radiu, komiu ledo rapambela pehuku nu Alatala bara maipia! Tapi ledo nakana!

Matius 5:22

Tapi Kuuli ka komiu, isema-sema narau rarana nte sampesuvuna masipato ratangara. Bo isema-sema nanjalai sampesuvuna masipato raposintingayo ri Polibu Mbaso Agama. Tapi isema-sema manguli ka sampesuvuna, ‘Kanavumo ri narakaa iko!’ ia haitumo masipato ratedaka riara apu narakaa.

Lukas 3:7

Nadea tona neonga mekidiu nte i Yohanes. Niulikana ira, “Komiu noakala nasimbayu mpo ule! Nisarumakamiu ane komiu radiu, komiu ledo rapambela pehuku nu Alatala bara maipia! Haitu ledo nakana!

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

2 Korintus 11:3

Tapi nakini mpuumo raraku, nee-nee raakalani ntona komiu sampe komiu domo ante raramiu mpuu-mpuu mompotove i Kristus. Apa ivesia najadi nte i Hawa anu niakalani nu ule tempo nggaulu.

Ibrani 10:29

Ane ivesia pehuku ka tona nombasapuaka Atura agama, nemopa ka tona anu nompojejea Ana nu Alatala. Tona haitu nompandaente raa i Yesus, tano raa haitumo nompakaasa pojanji nu Alatala bo nompakalali dosana. Bo tona haitu muni nanjalai Nosa Gasa anu nompopaisani pepotove nu Alatala ka todeaNa.

Ibrani 12:25

Jadi sampesuvu-sampesuvu, pakabelo-belo, nee sampe komiu ledo madota mangepe tesa niuli nu Alatala ka komiu. Apa isema-sema ledo nadota mangepe pepatora nu Alatala anu nipapola Nabi Musa ri dunia bara ipia, ira ledo rakabasaka lako ri pehuku nu Alatala. Nemopa kita anu nangepe Ia notesa lako ri suruga! Ane kita ledo madota mangepe Ia, natantumo kita muni ledo rakabasaka lako ri pehukuNa.

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.