Matius 23:27 - Kaili Ledo

²⁷ Mandasa mpuu komiu guru-guru agama bo toFarisi! Komiu aga nabelo ri lenje tapi nadaa riara! Komiu nasimbayu mpo dayo nicee naputi. Ri savalikuna nagaya mpuu, tapi riarana aga buku ntomate bo matepudu anu navau.

Matius 23:27 ပူးပေါင်းရင်းမြစ်များ

Matius 23:28

Ivesia muni komiu. Ri panggita ntona komiu nireke tonoa. Tapi kakanana komiu aga nabelo ri lenje tapi riara ntaimiu nadaa!

Lukas 11:44

Mandasa mpuu komiu! Komiu nasimbayu mpo dayo ledo naria tandana. Tona nojeje dayo haitu tapi ledo nisanira naria anu naruto riarana. Komiu nabelo ri savalikuna tapi rara ntaimiu nadaa.”

Suro-Suro 23:3

Nanguli i Paulus ka i Ananias, “Komiu mboto kana rasapa nu Alatala! Komiu aga nabelo ri sumba. Komiu nonturo ri situ mombatangara yaku nantuntuni Atura-atura agama anu nipapola Nabi Musa, tano komiu mboto nombaliunaka Atura-atura haitu apa nitudumiu tona mombasapa yaku.”

Galatia 6:12

Tona nanggeni pepatuduki nasala haitu aga madota mompopakita pangoseakara Atura agama ala ratoiya nu roara toYahudi. Haitumo sabana ira madota mompasuu komiu rasuna. Patujura ala ira ledo rapandasa ntoYahudi. Apa ane rasarumakara i Kristus anu namate ri kayu salib bo domo raoseakara Atura agama, rapandasa ntoYahudimo ira.