Matius 23:24 - Kaili Ledo

²⁴ Komiu nasimbayu mpo toburo nombanini tona ntanina! Komiu nasimbayu mpo tona nombasaringa kanjio lako ri panginuna, tapi unta niomena!

Matius 23:24 ပူးပေါင်းရင်းမြစ်များ

Matius 15:14

Jadi palambakamo toFarisi haitu. Ira eva pakeni naburo. Ane tona naburo mombanini toburo ntanina, natantu ira randua manavu mpasanggani riara lovu.”

Matius 19:24

Bo Kuuli muni ka komiu, namurapa unta mesua ri puki jaru pade tona nakalumana matundu nte Alatala bo majadi todeaNa.”

Matius 23:16

Mandasa mpuu komiu pakeni-pakeni anu naburo! Komiu nompatuduki ivei: ‘Ane tona mosumpa ante manggasangai Banua nu Alatala, ia ledo rapou sumpana haitu. Tapi ane ia mosumpa ante manggasangai bulava riara Banua nu Alatala, ia rapou nu sumpana haitu.’

Matius 7:4

Berimba komiu manguli ka roamiu, ‘Mai, kulelaka garupu ri matamiu,’ iyapa ri matamiu mboto naria baloti!

Yohanes 18:28

Da bobayana ntoto, nikeniramo i Yesus lako ri banua i Kayafas hau ri banua nu Gubernur. Pakeni-pakeni ntoYahudi mboto ledo nesua riara banua Gubernur Pilatus haitu, sabana ira majadi maruto nangoseaka Atura-atura agamara, bo ledo mamala mangande kandea posusa Paskah ngena.

Yohanes 18:40

Tapi nongaremo ira ante suara namangga, “Nee! Nemo Ia rakabasaka! Agina i Barabas rakabasaka ka kami!” I Barabas mai topeago.

Pompakita 12:16

Tapi tana nantulungi mombine haitu. Kaliu-liu nebeka tana bo uve oge anu nisuparaka nu ule naga naupu pura nisondena.