Matius 23:23 - Kaili Ledo

²³ Mandasa mpuu komiu guru-guru agama bo toFarisi! Komiu aga nabelo ri lenje tapi nadaa riara! Komiu nombadekei ka Alatala sabagia lako ri sapulu bagia pura-pura aselemiu, nau sampe rampa-rampa. Tapi parenta Atura-atura agama anu nambaso, evamo pokainggu nanoa, mompoasi roa, bo mompakadupa pojanji, haitu ledo nipoviamiu. Kakanana parenta mbasona haitu anu nopoko raoseakamiu, nee muni rakalingasi atura-atura ntanina.

Matius 23:23 ပူးပေါင်းရင်းမြစ်များ

Matius 12:7

Apa Yaku, Ana nu Manusia, anu nakuasa manguli nuapa masipato rapovia ri eo penonto. Nitulisi riara Buku Gasa ivei: ‘NipokonoKupa maasi matamiu manggita roamiu pade manggeni binata-binata rapesomba ka Yaku.’ Hosea 6:6 Ane nisanimiu mpuu-mpuu batuana tesa haitu, natantu ledo rapakasalamiu tona ledo nasala.”

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Matius 9:13

Koi pegurumo batuana tesa nu Alatala anu nanguli ivei: ‘NipokonoKupa maasi matamiu manggita roamiu pade manggeni binata-binata rapesomba ka Yaku.’ Hosea 6:6 Yaku nakava ri dunia ledo mompokio tona anu nanguli karora nanoa, tapi mompokio tona nadosa majea lako ri dosara.”

Lukas 11:42

Mandasa mpuu komiu toFarisi! Komiu nombadekei ka Alatala sabagia lako ri sapulu bagia pura-pura asele panggaviamiu, sampe nau rampa-rampa nakodi mpo tumbavani, kula, bo rampa-rampa ntanina. Nabelo poviamiu tutu, tapi parenta anu nantudu kita mokainggu manoa bo mompotove Alatala, ledo nipeilimiu! Tano haitumo parenta nopoko raoseakamiu bo nee muni rakalingasimiu parenta ntanina.

Lukas 18:12

Ronggani saminggu yaku nopuasa, bo nidekeiku ka Komiu sabagia lako ri sapulu bagia asele panggaviaku pura-pura.’