Matius 23:16 - Kaili Ledo

¹⁶ Mandasa mpuu komiu pakeni-pakeni anu naburo! Komiu nompatuduki ivei: ‘Ane tona mosumpa ante manggasangai Banua nu Alatala, ia ledo rapou sumpana haitu. Tapi ane ia mosumpa ante manggasangai bulava riara Banua nu Alatala, ia rapou nu sumpana haitu.’

Matius 23:16 ပူးပေါင်းရင်းမြစ်များ

Matius 15:14

Jadi palambakamo toFarisi haitu. Ira eva pakeni naburo. Ane tona naburo mombanini toburo ntanina, natantu ira randua manavu mpasanggani riara lovu.”

Matius 23:13

Tapi mandasa mpuumo komiu guru-guru agama bo toFarisi! Komiu aga nabelo ri sumba tapi nadaa riara. Komiu nombalava tona ntanina majadi todea riara Poparenta nu Alatala. Komiu mboto ledo madota raparenta nu Alatala bo ledo nidekeimiu tona ntanina anu madota raparentaNa.

Matius 23:17

Nadoyo mpuu komiu! Komiu eva tona naburo! Nisumboliakamiumo! Umbana naogepa, bulava atau Banua nu Alatala anu nompakagasa bulava anu naria riarana? Natantumo Banua nu Alatala naogepa!

Matius 23:19

Komiu mpuu-mpuu eva toburo! Umbana naogepa, pesomba ka Alatala atau lanta pesomba? Natantumo lanta pesomba ri Banua nu Alatala haitumo naogepa apa lanta haitu nompakagasa pesomba nipesomba ri bavona.

Matius 23:24

Komiu nasimbayu mpo toburo nombanini tona ntanina! Komiu nasimbayu mpo tona nombasaringa kanjio lako ri panginuna, tapi unta niomena!

Matius 23:26

Komiu mpuu-mpuu eva tona naburo! Pegasa ntanimo ruru rara nu boda ala bagia savalikuna muni majadi magasa!

Galatia 5:3

Sangganipa vai kuuli ka komiu, isema-sema madota rasuna, ia masipato mangoseaka pura-pura Atura agama ntanina muni.

Yakobus 5:12

Sampesuvu-sampesuvu, paraluu mpuu rapariaramiu hitu: nee mompakaroso tesa ante sumpa. Nee mosumpa manggasangai langi bara tana bara nuapa-nuapa ntanina. Ane patujumiu manguli iyo, naganamo raulimiu “iyo”. Ane patujumiu manguli ledo, naganamo raulimiu “ledo”. Nee mosumpa ala komiu ledo rahuku nu Alatala.