Matius 22:45 - Kaili Ledo

⁴⁵ Jadi ane i Daud mboto nanguli Magau Topepakasalama haitu Puena, berimba sampe rauli Ia muli Magau Daud?”

Matius 22:45 ပူးပေါင်းရင်းမြစ်များ

Matius 22:44

Tupu nanguli ka Pueku, ‘Kaimo, ponturomo ri sabingga ngganaKu sampe pura-pura baliMu Kupopekou nte Iko.’ Mazmur 110:1

Matius 22:46

Ledo ria saitoa tona namala nompesanaka i Yesus. Bo nompamula lako ri eo haitu, domo naria tona nabia nombaopa tesaNa.

Yohanes 8:58

Nesanamo i Yesus, “Pariaramo tesaKu. Dopame i Abraham nipoanaka, naria mamimo Yaku!”

Roma 9:5

Ira muli i Abraham, i Ishak bo i Yakub, totua toIsrael nggaulu anu nipelisi nu Alatala. Bo tempo i Kristus najadi manusia, Ia nipoanaka lako ri muli ntoIsrael. Iamo nombakuasai pura-pura. Iamo Alatala anu masipato ratoiya sampe ri kasae-saena. Amin!

1 Timotius 3:16

Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.

Ibrani 2:14

Kita anu niuli i Yesus ana-ana, aga manusia biasa anu mamate. Jadi haitu sampe i Yesus muni najadi manusia bo nombarasai pura-pura anu nirasaita. Ia najadi manusia ala Ia mamala mamate mompakaropu kuasa Magau nu Seta anu nombakuasai kamatea.

Pompakita 22:16

“Yaku i Yesus, nombatudu malaekaKu hau mompopaisani petevaiKu hitu ka komiu todea topangoseaka Yaku. Yakumo hii muli bo valaa Magau Daud. Yakumo hii betue pompaeo anu nareme.”