Matius 22:40 - Kaili Ledo

⁴⁰ Pura-pura Atura agama bo pepatuduki nu nabi-nabi nggaulu nopuna lako ri randua parenta haitu.”

Matius 22:40 ပူးပေါင်းရင်းမြစ်များ

Matius 7:12

“Jadi nuapa-nuapa rapodotamiu rapovia ntona ka komiu, ivesia muni rapoviamiu ka tona. Sabana parenta haitumo isi nu Atura agama bo pepatuduki nu nabi-nabi nggaulu.

Yohanes 1:17

Lako nte Nabi Musa nitarimata Atura-atura agama. Tapi lako nte i Yesus Kristus sampe mpuu-mpuu nisanita Alatala bo toveNa ka kita.

Roma 13:9

Riara Atura haitu naria parenta-parenta ivei: <> Pura-pura parenta haitu bo parenta-parenta ntanina namala nipakambuku majadi sangu parenta, haitumo: <>

Galatia 5:14

Naria parenta nanguli ivei: “Potovemo singgamanusiamiu nasimbayu mpo pompotovemiu karomiu mboto.” Ane raoseakamiu parenta sangu hitu, nasimbayu mpo nioseakamiu pura-pura Atura agama.

1 Timotius 1:5

Patuju parentaku hitu ala kita mosimpotove, ante tove neumba lako ri rara nagasa, pekiri rara ntai anu ledo nombasalai kita, bo pomparasayata i Kristus mpuu-mpuu nakana.

Yakobus 2:8

Nabelo pokaingguta ane nioseakata atura nu Magauta anu nibacata riara Buku Gasa ivei: “Potovemo roamiu nasimbayu mpo pompotovemiu karomiu mboto.”