Matius 22:13 - Kaili Ledo

¹³ Bo nanguli magau ka batuana, ‘Soomo palena bo kadana bo tedeakamo ia hau ri savalikuna ri ponturo nalanda. Hamai ia motumangi bo masinggiki ante kasusa.’ ”

Matius 22:13 ပူးပေါင်းရင်းမြစ်များ

Matius 12:29

Berimba tona namala mombasuaki banua ntona naroso mangagosi mbara-mbarana? Natantumo kana ratipungguna ntani ruru tupu nu banua haitu pade mamala mangagosi mbara-mbarana. Ivesia muni Yaku namala nompopalai seta sabana Yaku nokolu nombadagi Magau nu Seta.

Matius 13:30

Palambamo jono matuvu mosanggani ante pae sampe makava tempona mokato. Damo kuuli ka topokato ngena, pasiromu ntani ruru jono-jonona, pade rapou bo rapalabusi. Naupu sia, pade rapasiromu pae bo raboli riara gampiriku.’ ”

Matius 13:42

Ira pura-pura ratedeaka riara apu narakaa anu navaya-vaya. Ri situmo ira aga motumangi-mangi bo masinggiki baga ante kasusa rara.

Matius 13:50

Tona nadaa ratedeaka riara apu narakaa anu navaya-vaya, bo ri situmo ira motumangi-mangi bo masinggiki baga ante kasusa rara.”

Matius 24:51

Bo batua haitu rapatesi. Ia ratedeaka riara narakaa, ponturo ntona aga nabelo ri sumba. Hamai ira motumangi-mangi bo masinggiki baga ante masusa mpuu rara.”

Matius 25:30

Bo tedeakamo batua anu ledo ria gunana haitu hau ri savalikuna ri kalandana. Hamai ia bate-batena motumangi bo masinggiki ante susa rara.’ ”

Matius 8:12

Tapi toYahudi mboto anu masipato majadi todea riara Poparenta nu Alatala ledo mamala. Ira aga ratedaka ri kalandana makavao lako nte Alatala, bo hamai ira aga motumangi-mangi bo masinggiki baga ante kasusa rara.”

Lukas 13:28

Tempo komiu manggita i Abraham, i Ishak, bo i Yakub mosanggani-nggani ante pura-pura nabi nggaulu mosusa madamba-damba ri Poparenta nu Alatala, motumangi komiu bo masusa mpuu raramiu sabana komiu rapopalai hau ri savalikuna!

Yohanes 21:18

Pariaramo tesaKu hitu, tempo iko da namuda iko mboto nompou kopemu bo hau ri umba-umba nipodotamu. Tapi ane matuamo iko, iko kana mombadekei palemu ratipunggu ntona ntanina, bo iko rakeni ntona hau ri ponturo anu ledo nipokonomu.”

Suro-Suro 21:11

I Agabus nakava nte kami ri banua i Filipus. Nialana sulepe i Paulus, bo nipouna ka kadana bo palena mboto pade niulina, “Iveimo niuli Nosa Gasa: ToYahudi ri ngata Yerusalem mombasaka tupu nu sulepe hitu, bo rapoura ivehitu, pade radekeira ka tona ledo toYahudi mombatangarana.”

Suro-Suro 7:54

Nangepe tesa i Stefanus pangane, nadua mpuumo rara ntoPolibu Mbaso Agama sampe nanggiki baga pura ira.

2 Tesalonika 1:9

Tona haitu rahuku nu Alatala sampe ri kasae-saena. Ira rapopogaa lako nte i Pue Yesus bo ledo rarasaira kaoge nu kuasaNa.

2 Petrus 2:17

Guru-guru mpodava haitu nasimbayu mpo mata nu uve naotimo. Ira nasimbayu mpo kulimu vuri aga niburu mpoiri narimboso. Alatala nompakasadia ponturo nalanda mpirika ka ira.

2 Petrus 2:4

Toramo! Alatala ledo nombakabasaka malaeka-malaekaNa mboto lako ri pehuku tempo ira novia dosa, tapi ninavusakaNa ira riara narakaa. Ira nisuaraka riara bolo nalanda bo nirante hamai mompopea tempona ira rahuku ri Eo Potangara bara maipia.

Yudas 1:13

Ira nasimbayu mpo balumba mbaso niburu mpoiri, bo pokainggura anu nepakaeya nasimbayu mpo rumpu bo bura natapa nitompesaka ri talinti. Ira nasalandala lako ri dala nakana nasimbayu mpo betue-betue mpolinja ri langi ledo nangoseaka dala nipakatantu ka ira. Jadi nipakasadia nTupumo ponturo nalanda mpirika ka ira sampe ri kasae-saena.

Yudas 1:6

Tora muni malaeka-malaeka nTupu nggaulu. Sanu ira ledo naosa rarara nte kuasa nipakatantu nu Alatala ka ira, sampe nipalaisira ponturora ri suruga. Ira nitarunggu nu Alatala ri ponturo nalanda mpirika bo nipou ante rante anu ledo namala rapudusi. Bo ira ledo rakabasaka sampe makava tempona ira rahuku ri Eo Potangara bara maipia.

Pompakita 21:27

Tapi anu naruto bo tona novia nadaa bo topodava ledo ntoto mamala mesua riara ngata haitu. Tona mamala mesua hamai aga tona nitulisi sangana riara Buku Katuvua nu Ana Bimba.