Matius 21:43 - Kaili Ledo

⁴³ Nanguli muni i Yesus ka ira, “Ivesia muni sanu komiu nompoara Yaku. Jadi Kuuli ka komiu, bagiamiu riara Poparenta nu Alatala raala lako nte komiu bo radekei ka tona ntanina anu mangoseaka dota nu Alatala.

Matius 21:43 ပူးပေါင်းရင်းမြစ်များ

Matius 12:28

Yaku nompopalai seta-seta ante kuasa Nosa Gasa nu Alatala. Bo haitu nompopakita ka komiu Alatala nompamulamo nomparenta ri tatangamiu!

Matius 21:41

Nesana ira, “Natantumo rapatesina ira nadaa haitu bo rabolina taluana ka tona ntanina anu madota mombadekei ka ia bagiana lako ri asele ntalua ri tempona.”

Matius 21:42

Nanguli i Yesus ka ira, “Natantu nibacamiumo tesa riara Buku Gasa anu nombatesa Magau Topepakasalama ivei: Vatu nitedeaka ntopovia banua vatu haitumo anu nopokopa ka banua haitu. Haitu nipovia nTupu, bo nabelo mpuu ri panggitata!” Mazmur 118:22-23

Matius 21:44

Bo isema-sema manavu ri vatu haitu marupusaka, bo isema-sema rarumpi nu vatu haitu maoya mpeje.”

Yohanes 3:3

Nesana i Yesus, “Pariaramo tesaKu hitu, ledo ria saitoa tona mamala majadi todea riara Poparenta nu Alatala ane ia ledo rapoanaka mpanjili.”

Yohanes 3:5

Nesana i Yesus, “Pariaramo tesaKu hitu; ane tona ledo rapoanaka ante uve bo ante kuasa Nosa Gasa nu Alatala, tona haitu ledo mamala majadi todea riara Poparenta nu Alatala.

1 Korintus 13:2

Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.

1 Petrus 2:9

Tapi sampesuvu-sampesuvu, komiu ledo mpo ira haitu. Komiumo todea nipelisi nu Alatala. Komiumo nipelisi majadi mpo topanggeni pesomba anu mantulungi magau. Komiumo todeaNa nipatani ka Ia, komiumo najadi bagiaNa. Komiu nipelisi nu Alatala mompatolele panggaviaNa anu nipokumaaka ka tona ntanina. Iamo nompokio komiu mesuvu lako ri kalandana ala matuvu riara karemeNa anu nabelo mpuu.