Matius 21:37 - Kaili Ledo

³⁷ Kaupuna nituduna anana mboto apa nipekirina, ‘Natantumo kana rabilara anaku!’

Matius 21:37 ပူးပေါင်းရင်းမြစ်များ

Matius 21:36

Jadi tupu ntalua nombatudu batua ntanina hau nte topokarajaa taluana. Nadeapa ira haitu pade ira pamulana, tapi ira muni nipovia ntopokarajaa talua nasimbayu mpo batua-batua pamulana.

Matius 21:38

Tapi tempo topokarajaa talua haitu nanggita ana ntupu ntalua tumai, nosiulikamo ira, ‘Eh! Tumaimo ana ntupu ntalua anu rakaboli mbara-mbara ntotuana. Anumo! Rapatesitamo ia ala talua hitu raalata majadi bagiata.’

Matius 3:17

Bo naria suara lako ri suruga nanguli, “Hitumo AnaKu nipotoveKu. Iamo nompakadamba raraKu.”

Markus 12:6

Kaupuna damo saito naboli nte tupu ntalua, haitumo anana nipotovena. Nituduna muni anana haitu hau nte topojampangi talua apa nipekirina,

Lukas 20:13

Kaupuna tupu nu talua nanguli, ‘Nuapa kupovia? Aginamo anaku mboto anu nipotoveku kutudu hau nte ira. Natantu rabilara ia.’

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Yohanes 1:34

Bo i Yohanes nompapola tesana, “Yaku mboto nanggita kajadia haitu bo nombasabiki: Iamo mai Ana nu Alatala!”

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.