Matius 21:33 - Kaili Ledo

³³ I Yesus nompapola tesaNa ka pakeni-pakeni ntoYahudi. NiuliNa, “Epe porapa ntanina. Naria saito tupu ntalua nombatuda anggur ri taluana. Nivalana ntiku talua haitu bo nikaena lovu ri vatu rapompea vua anggur. Bo nipoviana sou pojaga ri talua haitu. Naupu haitu nibolina talua haitu nte bara sako-ndua topokarajaa mojampangina, damo rabagi aselena, bo hau ia ri ngata nakavao.

Matius 21:33 ပူးပေါင်းရင်းမြစ်များ

Matius 13:18

“Jadi, epemo batuana porapa toposavu nitesaKu pangane:

Matius 20:1

I Yesus nanguli, “Tempo Alatala momparenta mpo Magau bo mombabalasi pokainggu ntodeaNa bara maipia masimbayu eva porapa hitu: Naria saito tona notalua anggur. Nasadondo mpuu ia nesuvu lako ri banuana hau mangelo tona ragajina mokarajaa ri taluana.

Matius 21:28

I Yesus nompekutana pakeni ntoYahudi, “Berimba panggavamiu? Naria saito tuama, randua anana langgai. Nanguli ia ka anana lumbua, ‘Anaku, koimo iko mokarajaa ri talua.’

Matius 23:2

“Guru-guru agama bo toFarisi nipakakuasa mompatuduki Atura-atura agama nipapola Nabi Musa.

Markus 13:34

Haitu nasimbayu nte porapa hitu: Naria saito tona hau ri ngata nakavao. Dopame ia hau, nidekeina mami kuasa ka batua-batuana mombaurusi banuana. Saito-saito nipakatantuna pokarajaa ka ira. Bo topojagai vamba nitevaina mainga-inga ante kakavana.

Lukas 19:12

Jadi i Yesus nompasimbayu karoNa mboto ka ana madika nte porapa hitu: “Naria saito ana madika, patujuna hau ri ngata nakavao ala ralanti nu Magau Mbaso majadi madika. Maupu sia pade manjili tumai moparenta ri ngatana mboto.

Yohanes 15:1

I Yesus nompapola tesaNa, “Yakumo hii valaa anggur nakana, bo TuamaKu tupu ntalua anggur haitu.