Matius 21:32 - Kaili Ledo

³² Sabana, i Yohanes Topediu neonga nompatuduki dala nanoa ka komiu, tapi ledo niparasayamiu ia. Tapi topesingara balasitee bo bajinga nomparasaya ia. Bo nau nikitamiu pura-pura anu nikitara, ledo najea komiu, bo ledo ntoto niparasayamiu.”

Matius 21:32 ပူးပေါင်းရင်းမြစ်များ

Matius 11:18

Ivesia muni najadi nte kami bo i Yohanes. I Yohanes nakava, nopuasa bo ledo nanginu uve anggur, bo niuli ntona ia nipesua nu seta!

Matius 21:25

Uli ka Yaku, isema nombadekei kuasa ka i Yohanes mombadiu tona? Alatala atau manusia?” Jadi nosiulikamo pakeni ntoYahudi, “Berimba kita mesana ka Ia? Ane raulita i Yohanes nombadiu ante kuasa lako nte Alatala, rauliNa vai ka kita, ‘Ane ivesia, nakuya ledo niparasayamiu i Yohanes?’

Matius 21:31

Nanguli i Yesus ka pakeni ntoYahudi haitu, “Jadi lako ri ngana randua haitu, isemana nangoseaka dota ntuamana?” Nesana ira, “Ngana paratamana.” Nanguli i Yesus ka ira, “Nakana pesanamiu. Tapi pariaramo tesaKu hitu, tona nadaa eva topesingara balasitee bo bajinga-bajinga mokolu majadi todea riara Poparenta nu Alatala, ledo komiu.

Matius 5:46

Ane komiu aga mompotove tona nompotove komiu, natantumo komiu ledo masipato ratoiya nu Alatala. Apa nau topesingara balasitee nadaa ingguna, nompotove tona anu nompotove ira.

2 Timotius 2:25

Ia kana malusu rarana mompatuduki tona nangeva ia, mbelaka da mamala ira rakeni nu Alatala majea lako ri pokainggura nasala bo mangisani pepatuduki nakana.

Ibrani 3:12

Jadi sampesuvu-sampesuvuku, komiu kana mainga ala nee maria komiu majadi madaa bo ledo momparasaya sampe motubengosi Alatala anu natuvu sampe ri kasae-saena!

2 Petrus 2:21

Aginapa ledo sanggania rasanira dala nakana, pade rasanira bo maupu sia aga rakabasakara parenta-parenta nu Alatala nipatolele ka ira.

Pompakita 2:21

NidekeiKumo loga ka ia majea lako ri pokaingguna nadaa haitu, tapi ia ledo ntoto nadota majea.