Matius 21:22 - Kaili Ledo

²² Ane komiu momparasaya Alatala, nuapa-nuapa raperapimiu riara mposambayamiu majadi mpuu.”

Matius 21:22 ပူးပေါင်းရင်းမြစ်များ

Matius 18:19

Pariara munimo tesaKu hitu! Nau aga nte randua komiu, ane mosangu raramiu mosambaya merapi sangaya, anu niperapimiu haitu tantu radekei nTuamaKu ri suruga ka komiu.

Matius 7:11

Nau komiu tona nadosa, nisanimiu nombadekei anu nabelo ka anamiu. Nemopa Alatala, Tuamamiu ri suruga! Natantu Ia muni mombadekei anu nabelo ka isema-sema merapi nte Ia.”

Matius 7:7

“Perapimo nte Alatala bo radekeiNa ka komiu. Elomo bo rakavamiu. Tanedemo vamba bo vamba raunggeNa ka komiu.

Markus 11:24

Jadi Kuuli ka komiu, nuapa-nuapa raperapimiu riara posambayamiu, parasayamo pomperapimiu haitu nipoiyo nu Alatalamo, bo ratarimamiu mpuu.

Yohanes 14:13

Bo nuapa-nuapa raperapimiu sabana komiu topangoseaka Yaku, kana Kupovia ka komiu, ala rakita ntona kaoge nTuamaKu.

Yohanes 15:7

Ane komiu maroo mosangu rara nte Yaku bo tesaKu maroo riara ntaimiu, perapimo nuapa-nuapa nipokonomiu bo radekei ka komiu.

Yohanes 16:24

Nau komiu topangoseaka Yaku, sampe sii-sii komiu dopa nomperapi nuapa-nuapa. Jadi perapimo bo radekei ka komiu ala raramiu mpuu-mpuu madamba!”

Yakobus 5:16

Haitumo sabana komiu kana mangaku salamiu, bo mosiposambayaka, ala duamiu rapakabelo. Posambaya ntona nanoa nabisa mpuu.

1 Yohanes 3:22

Bo nuapa-nuapa raperapita nte Ia, natantu radekeiNa ka kita, sabana kita nanturusi parenta-parentaNa bo pokaingguta nompakadamba raraNa.