Matius 21:21 - Kaili Ledo

²¹ Nesana i Yesus, “Pariaramo tesaKu hitu. Ane komiu momparasaya, bo ledo molengga-lengga raramiu, komiu muni mamala movia anu nipoviaKu ka kayu haitu. Bo ledo aga ivesia, komiu mamala mangulika bulu hitu, ‘Kateunggatakamo! Katedaka rantasi!’, bo majadi mpuu.

Matius 21:21 ပူးပေါင်းရင်းမြစ်များ

Matius 14:29

Nesanamo i Yesus, “Kamaimo!” Jadi nanaumo i Petrus lako riara sakaya, bo nolipamo ia ri bavo nu uve manggaparai i Yesus.

Matius 17:20

Nesana i Yesus, “Sabana nakura pomparasayamiu. Pariaramo tesaKu hitu. Nau pomparasayamiu aga nakodi eva batu mandoe, mamala komiu mangulika bulu moitu, ‘Polinja haumo!’ bo bulu moitu molinja mpuu. Ledo ria sangaya anu ledo mamala rapoviamiu.

Matius 21:20

Nokumaamo rara nu ana-anaguruNa. Nipekutanara nte Ia, “Berimba sampe kayu ara haitu kaliu-liu namate ivehaitu?”

Matius 8:12

Tapi toYahudi mboto anu masipato majadi todea riara Poparenta nu Alatala ledo mamala. Ira aga ratedaka ri kalandana makavao lako nte Alatala, bo hamai ira aga motumangi-mangi bo masinggiki baga ante kasusa rara.”

1 Korintus 13:2

Bo ane kupakule mompasimbayu tesa-tesa nitarimaku lako nte Alatala, bo ane kusani mpengaya-ngaya anu nitabuniaka bo kusani muni mpengaya-ngaya pangisani ntanina, bo pomparasayaku maroso mpuu sampe yaku mamala mantudu bulu molinja, tapi ane ledo kupotove tona ntanina, katuvuku ledo ntoto ria gunana.

Yakobus 1:6

Tapi ane komiu merapi nte Alatala, komiu kana mpuu-mpuu momparasaya bo nee monggai raramiu. Apa tona nonggai rarana nasimbayu mpo balumba ri tasi niburu mpoiri hau tumai.