Matius 21:10 - Kaili Ledo

¹⁰ Tempo i Yesus nesua ri ngata Yerusalem, nagado puramo tona ri sia. Ira nosimpekutana-tanamo, “Isema tano tona hitu?”

Matius 21:10 ပူးပေါင်းရင်းမြစ်များ

Matius 2:3

Nangepe tesa haitu natekajamo bo nasesa rara Magau Herodes, bo ivesia muni pura-pura tupu ngata Yerusalem.

Matius 21:11

Nesana todea nantuntuni Ia, “Iamo i Yesus, nabi lako ri ngata Nazaret ri bagia Galilea!”

Matius 21:9

Bo todea ri kolu i Yesus ante topetuntuni ri puri nongare-ngare, “Hosana! Ratoiyamo Muli Magau Daud! Maoge belo ka Magau anu nakava niposumba nu Alatala! Ratoiyamo Alatala ri suruga!” Mazmur 118:25-26

Lukas 20:2

nanguli ka Ia, “Uli ka kami, ante kuasa isema nipoviaMiu pura-pura hitu ri Banua nu Alatala? Isema nombadekei kuasa haitu ka Komiu?”

Lukas 5:21

Nangepe haitu guru agama bo toFarisi ri sia nompekiri, “Isema ntoto tona hitu sampe nabia nompasimbayu karoNa nte Alatala! Ledo ria manusia nompakule mombaampungi dosa manusia, aga Alatala!”

Lukas 7:49

Tona ntanina nonturo nangande nosanggani ante i Yesus nosimpekutana, “Isema ntoto Ia sampe nisarumakaNa Ia namala mombaampungi dosa?”

Lukas 9:9

Nanguli i Herodes, “Nitudukumo tona nombatampa balengga i Yohanes bara ipia. Jadi i Yesus hii, isema kakanana Ia? Nadeamo lelena Ia niepeku.” Haitu sampe i Herodes nompasimbuku mosinggava nte i Yesus.

Yohanes 2:18

Naupu haitu pakeni-pakeni ntoYahudi nangeva i Yesus bo nanguli, “Kabaraka nuapa rapoviaMu tandana Iko nakuasa nompopalai tona ivesia?”

Suro-Suro 9:5

Nekutana i Saulus, “Isema komiu, tua?” Nesana topotesa haitu, “Yakumo i Yesus, tona nipandasamu.