Matius 20:8 - Kaili Ledo

⁸ Nasolopa eo, nanguli tupu ntalua haitu ka mandorona, ‘Pokio puramo topokarajaa bo bayari puramo gajira mompamula nte tona dako nompamula nokarajaa tinti alima sampe ira anu nokarajaa lako ri mpadondoname.’

Matius 20:8 ပူးပေါင်းရင်းမြစ်များ

Matius 20:7

Nesana ira, ‘Ledo naria tona nombagaji kami.’ Bo nanguli tupu ntalua haitu, ‘Ane ivesia, koimo pokarajaa ri taluaku.’ Bo hau mpuumo ira.

Matius 20:9

Nakavamo topokarajaa anu nompamula tinti alima nggoviana, bo ira nidekei simbo sampeka doi salaka.

Matius 25:19

Naliu haitu nasae mpuu pade nanjili madika. Nanjilipa ia, nirondenamo batuana ala rakitana berimba ira nombaurusi doina.

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Lukas 10:7

Ane ratarima ntupu banua komiu, ponturo ri siamo. Inumo bo kandemo anu radekeina ka komiu, sabana topokarajaa masipato mantarima tambona. Nee molinja-linja hau ri banua ntanina.

Lukas 12:42

Nesanamo i Yesus, “Haitu niuliKu ka batua nanoto bo natutu neoseaka. Tona haitu raanggataka nu madikana majadi topompasiayu pura-pura batua ntanina riara banua. Iamo mompasiayu kandea ka batua-batua ntanina eo-eo.

Lukas 8:3

Naria muni i Yohana, berei i Khuza tona nipomboli doi Magau Herodes. Bo naria muni i Susana bo da nadeapa mombine ntanina. Mombine gahaitu nompake doira mboto nantulungi i Yesus bo ana-anaguruNa.

2 Korintus 5:10

Apa kita pura-pura kana mantingayo i Kristus bara maipia ala ratangaraNa. Maupu ratangaraNa, simbo rakavata anu nipakatantu nangoseaka anu nipoviata tempo kita natuvu ri dunia hitu, bara povia nabelo bara povia nadaa.

Titus 1:7

Pakeni ntopomparasaya haitu topompasiayu todea nu Alatala. Jadi ia ledo novia pokainggu rasalai ntona. Ia ledo tona nalanga pekirina bara nasalisa narau, ledo topanginu, ledo toposibaga, bo ledo muni tona nadoko doi.

Ibrani 9:28

Jadi ivesia muni i Kristus namate aga sanggani majadi pesomba pompakalali dosa ntodea. Naupu haitu Ia makava sangganipa, ledo mompakalali dosa, tapi mompakasalama tona nalentora nompopea kakavaNa.

1 Petrus 4:10

Kita simbo nidekeika pompakule ledo nasimbayu lako nte Alatala, bo kita kana mompake pakabelo pompakule nipatava ka kita mombatulungi tona ntanina.