Matius 20:34 - Kaili Ledo

³⁴ Naasi mpuu mata i Yesus nanggita ira, jadi nituiNa matara bo kaliu-liu namalamo nekita. Bo hau ira randua nantuntuni i Yesus.

Matius 20:34 ပူးပေါင်းရင်းမြစ်များ

Matius 14:14

Tempo i Yesus nanau lako ri sakaya, nikitaNa nadea mpuu tona nompopea Ia. Naasi mpuumo mataNa nanggita ira, bo nipakabeloNamo tona nadua.

Matius 15:32

Naliutaka haitu i Yesus nompokio ana-anaguruNa bo nanguli ka ira, “Naasi mpuumo mataKu nanggita todea hitu, apa talu-eomo kasaena ira nosanggani-nggani ante Yaku bo sii-sii domo naria kandeara. Ledo madota Yaku mantudu ira manjili ante ara ntai. Nee-nee ira maleto ri dala.”

Matius 20:33

Nesana ira randua, “Pue, kami madota mekita!”

Matius 21:1

Tempo naparamo ngata Yerusalem, ira nakava ri ngata Betfage ri kente nu Bulu Zaitun. Ri sia i Yesus nantudu randua anaguruNa mokolu.

Matius 8:15

Jadi i Yesus nanggangisi pale nu mombine haitu bo kaliu-liu nabelomo ia. Naupu haitu nembangumo mombine haitu mombakadambanaka ira.

Matius 9:29

Jadi i Yesus nombatui matara bo nanguli, “Mabelomo matamiu, eva niparasayamiu majadi!”

Matius 9:36

Nanggita todea, naasi mpuumo mataNa, sabana nasesamo ira bo ledo ria tona nantulungi ira, nasimbayu eva bimba ledo ria topoevuna.

Markus 7:33

I Yesus nombataniaka tobongo haitu hau santanina, bo nidikaNa koya mpaleNa ri bolo ntalinga ntona haitu ntimali-mali. Pade niveulusiNa bo nituiNa dila ntona haitu.

Lukas 18:43

Kaliu-liu namala mpuumo nekita toburo haitu, bo haumo ia nantuntuni i Yesus bo nombatoiya Alatala. Pura-pura todea ri sia anu nanggita kajadia haitu, nantoiya Alatala.

Lukas 22:51

Tapi i Yesus nombatagi ira, “Nee metimbe!” Bo nituiNa talinga ntona bo nipakabeloNa.

Lukas 7:13

Tempo i Yesus nanggita ia, naasi mpuumo mataNa. NiulikaNa, “Nee motumangi, Ina.”

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Ibrani 2:17

Haitu sampe Ia kana najadi nasimbayu ntoto ante kita sampesuvu-sampesuvuNa. Ane Ia nasimbayu ntoto nte kita, Ia namala majadi Pakeni nTopanggeni Pesomba anu naasi mataNa nanggita todeaNa bo natutu nombatui pokarajaa nidekei nu Alatala ka Ia, sampe dosa manusia namala nisompo.

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.