Matius 20:31 - Kaili Ledo

³¹ Tapi todea ri sia narau ka ira randua bo nangonteaka ira, “Nee makanano! Kalinomo!” Tapi toburo haitu aga nantambai nongare ante suara namangga, “Muli Magau Daud! Poasimo kami!”

Matius 20:31 ပူးပေါင်းရင်းမြစ်များ

Matius 15:23

Tapi i Yesus ledo notingo. Bo ana-anaguruNa nanggaparai Ia bo nerapi nte Ia, “Guru, agina popalai haumo mombine haitu! Ia ledo naupu-upu nongare-ngare bo nantuntuni purita.”

Matius 19:13

Naria sanggani tona nanggeni ana-anara hau nte i Yesus ala radikaNa paleNa ri karora bo mosambaya ka ira. Tapi ana-anaguru i Yesus nompokarau tona gahaitu.

Matius 20:30

Ri sia naria randua tona naburo nonturo ri soso dala. Nangepe kareba i Yesus noliu ri dala haitu, nongare-ngaremo ira, “Muli Magau Daud! Poasimo kami!”

Matius 20:32

Bo netaamo i Yesus bo nombaronde ira. Nekutana Ia, “Nuapa rapokonomiu Kupovia ka komiu?”

Matius 9:27

Tempo i Yesus nompapola polipaNa, naria randua toburo nantuntuni Ia bo nongare-ngare, “Muli Magau Daud! Poasimo kami!”

Lukas 18:39

Tona ri kolu i Yesus narau ka toburo bo nombasalaraka ia, “Nee makanano! Kalino iko!” Tapi toburo haitu aga nantambai kamanggana nongare, “Yesus, Muli Magau Daud, poasimo yaku!”

Kolose 4:2

Nee masau raramiu mosambaya. Pekiri pakabelo anu raulimiu ka Tupu, bo masaro manguli tarima kasi nte Ia.

1 Tesalonika 5:17

Nee masau rara mosambaya.