Matius 20:19 - Kaili Ledo

¹⁹ Maupu haitu Yaku radekeira ka tona ledo toYahudi. Bo Yaku rapongei-ngeikara bo racambu pakandasa, bo kaupuna Yaku rapaku ri kayu salib sampe mamate. Tapi ri eo katataluna Yaku rapakatuvu mpanjili.”

Matius 20:19 ပူးပေါင်းရင်းမြစ်များ

Matius 12:40

Talu-mbongi bo talu-eo kasaena Nabi Yunus riara ntai bau mbaso. Ivesia muni Yaku, Ana nu Manusia, kana riara dayo talu-mbongi talu-eo kasaena.

Matius 16:21

Nompamula lako rahaitu, i Yesus nompakalanto ka ana-anaguruNa Ia kana hau ri ngata Yerusalem, bo hamai Ia rapandasa ntotua ntoYahudi, balengga-balengga ntopanggeni pesomba, bo guru-guru agama Yahudi. Bo Ia rapatesi, bo ri eo katataluna Ia rapakatuvu mpanjili lako ri kamateNa.

Matius 17:23

bo rapatesira. Tapi ri eo katataluna Yaku rapakatuvu mpanjili.” Nangepe tesaNa haitu, nasusa mpuumo rara anaguruNa pura-pura.

Matius 27:26

Naupu haitu i Pilatus nombakabasaka i Barabas ka ira. Bo nituduna tantarana mombacambu i Yesus bo mombapaku Ia ri kayu salib.

Matius 27:63

Nakava hamai, nanguli ira, “Pua, nitora kami tesa ntopebagiu haitu tempo Ia da natuvu. NiuliNa, ‘Maliu talu-mbongi Yaku matuvu mpanjili.’

Markus 14:65

Bo naria bara sako-ndua ira nompamula nantoveulusi i Yesus. Ira nombabonggo mataNa bo nombajaguru Ia ante nanguli, <> Bo topojaga muni nangala Ia bo nibobara.

Markus 15:1

Sanggaeo mpisina, pura-pura balengga-balengga ntopanggeni pesomba ante guru-guru agama, totua-totua, bo topolibu ntanina lako ri Polibu Mbaso Agama, nasintuvu bo nosangu patujumo. Nitipungguramo i Yesus pade nikenira hau nte Gubernur Pilatus.

Markus 15:15

I Pilatus madota mompakasana rara ntodea. Jadi nikabasakanamo i Barabas ka ira, bo nitudunamo tantarana mombacambu i Yesus, pade nidekeinamo i Yesus rapatesi rapaku ri kayu salib.

Lukas 18:32

Yaku kana radekei ka tona ledo toYahudi. Yaku rabirisikara mata, rapongei-ngeikara, bo ratoveulusira.

Lukas 23:11

Jadi Magau Herodes ante tantarana nanjalai Ia bo nipongei-ngeikara. Nipopasuakara baju magau ka i Yesus, pade nikenira mpanjili ka Gubernur Pilatus.

Lukas 24:46

NiuliNa ka ira, “Riara Buku Gasa nitulisi, Magau Topepakasalama kana rapandasa bo rapatesi bo eo katataluna matuvu mpanjili lako ri kamateNa.

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 21:11

I Agabus nakava nte kami ri banua i Filipus. Nialana sulepe i Paulus, bo nipouna ka kadana bo palena mboto pade niulina, “Iveimo niuli Nosa Gasa: ToYahudi ri ngata Yerusalem mombasaka tupu nu sulepe hitu, bo rapoura ivehitu, pade radekeira ka tona ledo toYahudi mombatangarana.”

Suro-Suro 4:27

O Pue, dopa nasae ri ngata hitu, Magau Herodes bo i Pontius Pilatus nasiromu ante toIsrael bo tona ledo nosisani nte Komiu. Patujura mangeva i Yesus, BatuaMiu nagasa, anu nipelisiMiu majadi Magau Topepakasalama.