Matius 20:18 - Kaili Ledo

¹⁸ “Epemo pakabelo-belo! Sii-sii kita mantende hau ri ngata Yerusalem. Hamai ngena Yaku, Ana nu Manusia, radekeika balengga-balengga ntopanggeni pesomba bo guru-guru agama, bo Yaku rahukura mate.

Matius 20:18 ပူးပေါင်းရင်းမြစ်များ

Matius 16:21

Nompamula lako rahaitu, i Yesus nompakalanto ka ana-anaguruNa Ia kana hau ri ngata Yerusalem, bo hamai Ia rapandasa ntotua ntoYahudi, balengga-balengga ntopanggeni pesomba, bo guru-guru agama Yahudi. Bo Ia rapatesi, bo ri eo katataluna Ia rapakatuvu mpanjili lako ri kamateNa.

Matius 26:2

“Nisanimiumo roeopa Eo Mbaso Paskahmo. Bo Yaku, Ana nu Manusia, radekei ka baliKu bo rapakura ri kayu salib.”

Matius 26:66

Berimba pantaseremiu?” Nesana ira, “Ia masipato rahuku mamate!”

Matius 27:1

Naeo mpadondo, nasadondo mpuu, balengga-balengga ntopanggeni pesomba bo totua-totua ntoYahudi nasiromu nompakatantu i Yesus kana rapatesi.

Lukas 22:71

Pade nosiulikamo ira, “Domo paraluu raelota sabi ntanina, apa niepeta salaNa lako ri tesaNa mboto!”

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.